Дали сте зависник од кафе?

Љубителите на кафето тешко може да го замислат денот без кафе. Наутро тешко се освестуваат, а во текот на денот брзо се заморуваат ако не ја...

 

...консумираат својата дневна доза.

Дали кафето навистина има таков ефект?

Порано се сметаше дека не е добро да се консумираат повеќе чаши кафе во текот на денот, но истражувањата покажаа дека и 4 шолји кафе дневно не штетат на организмот.

Дури и добро влијаат на нашето срце. Бројни љубители на кафето ако не се напијат кафе почнуваат да чувствуваат умор и главоболка.

Дали навистина ова е резултат на недостигот на кофеин?

Неодамна направеното истражување во САД под водство на Roland Griffith покажала дека кофеинот делува како дрога.

А, дрогата во текот на процесот на одвикнување со себе носи негативни последици, се чини дека истото влијание го има и кофеинот.

Имено истражувањето покажало дека по 20 до 51 час може да настанат симптоми на одвикнување во облик на главоболка, умор и нервоза.

Најголем број од симптомите се појавуваат за време на викенд, кога вработените консумираат помалку кафе затоа што не се на работа и не мораат да станат рано.

Истражувањето покажало дека една шолја кафе на ден е доволна за да се чувствувате добро и за да не се појават симптоми на одвикнување од кофеинот.