Што не треба да прават жените пред одење на лекар?

Постојат две секојдневни навики кои би требало да ги избегнувате, затоа што одмагаат во поставувањето вистинска дијагноза или при упатувањето на дополнителни прегледи.

Понекогаш, посетата на доктор е ненадејна и неочекувана, па невозможно е да влијаете на факторите кои го отежнуваат поставувањето дијагноза. Меѓутоа, доколку се подготвувате за систематски или специјалистички преглед, тогаш водете сметка за две важни нешта:

1. Не ги лакирајте ноктите

При прегледот, потребно е на докторите да им овозможите увид во состојбата на вашето тело, а тоа се однесува и на изгледот на поединечните надворешни делови.

Токму ноктите се важен показател за разни проблеми поврзани со здравјето, па ако ги прекриете со лак, гел или некои други средства, тие не се во можност да ја увидат нивната реална состојба.

Хоризонталните бели линии преку целата ширина на ноктите може да укажуваат на заболување на бубрезите или абнормалности на црниот дроб, а бледите нокти на анемија и недостаток на црвени крвни зрнца, односно еритроцити, поради што ќе биде потребно да направите анализа на крвта.

2. Не се шминкајте

Како и ноктите, лицето исто така крие знаци за потенцијално сериозни здравствени проблеми.

Бојата на кожата на целото лице или одредени делови на лицето говори многу за состојбата на организмот.

Така, на пример, бојата на подочниците често укажува  на проблеми со бубрезите, поради што не треба да ги прекривате со дебел слој пудра.

Не ги скривајте со шминка ниту нетипичното црвенило, осипот, било какви дамки или флеки, па дури ни младежите, бидејќи се од наведеното може да му биде од помош на докторот во раното откривање на разни болести.

М. А. | Црнобело