Влакната на четката не смее да се повисоки од 2 сантиметри: Грешки при нега на забите

Многумина сметаат дека сосема доволно е да ги исчеткаат забите 2-3 пати во текот на денот, и завршиле голема работа околу негата на забите.

Но, доколку ги прашате забарите, сигурно ќе ви посочат неколку работи кои несвесно ги правите погрешно.

Избор на четка за заби

Најголемата грешка кога ја правите при изборот на четка, е тоа што не обрнувате внимание на мекоста на влакната. Најдобро е да одбирате четки со средно меки влакна, а доколку имате чувствителни заби и непца - бирајте исклучиво меки.

Оптималната должина на „главата“ на четката треба да е 2 до 3 сантиметри, висина на влакната 2 сантиметри и местото за прстот треба да има отприлика 2 сантиметри должина.

Исто така, бирајте четки со гумени делови на стратешки осмислените места, бидејќи тие го спречуваат лизгањето, неправилниот притисок и повредите на непцата.

Важно: четките со тврди влакна треба да се менуваат на 3 месеци, а четките со меки влакна на 2 месеци.

Паста за заби

Првата и основна грешка е претерувањето со количината на паста за заби. За едно нормално чистење на забите доволна ви е количина колку кикиритка.

Четкање на забите

Уште една честа грешка е страничното чистење и мрдање на четката лево-десно. Правилната насока е нагоре-надолу.

Исто така, треба да почекате барем 30 минути по оброкот пред да ги измиете забите.

Самиот процес на миење на забите би требало да трае барем 3 минути. Четката треба да ја држите под агол од 45 степени, свртена накај непцата и забите. Секогаш започнете од предните заби и завршете со катниците.

Конец за чистење на забите

Многу од луѓето ја игнорираат важноста на конецот за чистење на забите. Прво исчистете со конец, па потоа четкајте.

Важно е краевите на конецот добро да ги замотате околу показалците и средниот прст. Исто така, парчето со кое ги чистите непцата не би требало да е пократко од 18 сантиметри.

М. Д. | Црнобело