9 работи кои не смее да ги правите на празен стомак

Сите знаеме дека во текот на денот стомакот секогаш мора да ни е сит, меѓутоа сакајќи да ја „одржиме линијата“, сите толерираме глад со часови.

Ако веќе сте решени дека ќе го игнорирате чувството за глад, барем не ги правете овие 9 работи на празен стомак.

Не пијте апчиња

Било кое апче како аспирин, парацетамол, не се пие на гладно. Подобро е да испиете шолја млеко, бидејќи тоа ги намалува штетните последици.

Не пијте кафе

Дури и кафето без кофеин поттикнува киселини во стомакот кои може да предизвикаат потешкотии во дигестивниот тракт. Ако сепак не можете да се одвикнете од кафе на гладно, пијте го со малку млеко. Млечните масти го разбиваат негативниот ефект.

Не пијте алкохол

Апсорпцијата на алкохолот на празен стомак се зголемува за двапати, што може да доведе до побрзо пијанство. Секогаш јадете пред да излезете.

Не џвакајте гума за џвакање

Состојките во нив може да ви наштетат на желудникот, па дури и да доведат до гастритис. Избегнувајте џвакање гуми подолго од 10 минути.

Не си легнувајте да спиете

Чувството на глад може да предизвика несоница и рано будење. А, недостатокот на сон го појачува чувството на глад и така во круг. Пред да легнете на спиење испијте една чаша млеко со мед.

Не тренирајте гладни

Мускулите не можат да го издржат притисокот кога се слаби и ненахранети.

Не купувајте

Гладните луѓе се склони на импулсивно трошење и купување на работи кои реално не им требаат.

Не пијте свежо цедени сокови од цитрусни овошја

Сокот од портокал или лимон е здрав, сè додека не го пиете на гладен стомак. Задолжително разредете го со вода за да не го иритирате желудникот.

Не дискутирајте на важни теми

Кога сте гладни сте нервозни и раздразливи, и тоа веќе сигурно го знаете. Затоа, пред да седнете и да разговарате за важни теми, сварете топол пијалак како чај или засладено млеко. Ова ќе ви помогне да бидете попријателски расположени.

М. Д. | Црнобело