6 намирници кои го одржуваат здравјето на очите

Огромен број на луѓе низ светот имаат некој вид на проблем со очите, како последица на стареење или пак генетски наследно.

Здравјето на очите треба да се чува и одржува, па според истражувањата, докажано е дека некои намирници богати со одредени состојки може да помогнат и да го намалат ризикот од очни болести.

Дел од состојките се лутеин, зеаксантин, бета каротен, витамин Ц и Е, цинк, омега 3 и уште многу други.

Погледнете кои се намирниците кои ги содржат овие состојки и консумирајте ги почесто:

Кељ

Богат е со витамини и антиоксиданси кои се борат против ракот, а исто така е и одличен извор на бета каротен и содржи лутеин и зеаксантин. Консумирајте го кељот како салата или прилог, а можете да го вметнете и во вашето смути.

Пченка

Не само што пченката е вкусна, туку е и многу здрава. Со подолго варење на пченката се зголемува нивото на лутеин и антиоксиданси. Можете да ја користите како додаток на различни јадења или да ја јадете посебно.

Спанаќ

100 грама спанаќ содржат околу 20.4 милиграми лутеин и заексантин. Направете си вкусна манџа од спанаќ или додадете ја во сендвич, салата или пециво. Исто така може да биде и како додаток во здраво смути.

Брокула

Овој зеленчук е богат со витамин Ц и исто така содржи бета каротен кој е многу важен за здравјето на очите. Зготвената брокула додадете ја во омлет, пита, тестенини или во кое било друго јадење со кое ви одговара.

Јајца

Еден од најдобрите начини да го започнете појадокот е оброк со јајца кои ни даваат многу лутеин, витамин Е и омега 3 масти. Во зависност од квалитетот на јајцето, количината на здрави состојки се зголемува или намалува.

Портокал

Вкусно цитрусно овошје богато со витамин Ц кое помага во унапредувањето на здравјето на очите. Витаминот Ц помага во регенерирање на ткивото, а останатите состојки од портокалот како што се антиоксидансите и витаминот Е, го намалуваат влијанието на различни воспаленија.

М. М. | Црнобело