7 работи кои жените не би требало да ги прават за време на оние денови

Секоја жена пребарала и веќе знае што би требало да прави додека има менструација, што да јаде за да ги олесни болките, која позиција на спиење е најудобна, открила која облека е најкомфорна...

Денес се фокусираме на она што НЕ треба да прави за тие неколку дена да не бидат уште покомплицирани:

1. Не гледајте депресивни филмови

Доволен ви е падот на расположението предизвикано од хормоните, нема потреба од дополнително комплицирање.

2. Не се депилирајте

За време на менструацијата депилацијата е многу поболна заради ниското ниво на естроген.

3. Не ги прескокнувајте тренинзите

Освен ако немате силни болки, во секој друг случај би требало да практикувате лесни вежби и за време на менструалниот период.

4. Не претерувајте со хигиената

Нормално е да сакате секој дел од телото да биде перфектно чист, но во овие денови не претерувајте со агресивни препарати, мириси и долги купки во када.

5. Не смее да ја носите истата заштита цел работен ден

Колку и да ви изгледа непријатно да ја промените заштитната влошка или тампон на работното место, имајте на ум дека не сте единствени и дека хигиената е поважна.

6. Не се одлучувајте за незаштитен секс

Срамота би било да верувате во митот дека додека имате менструација не може да забремените.

7. Не би требало да јадете брза храна

Нездравата храна само ги влошува болките во стомакот, па затоа секогаш е подобро да одберете домашно подготвен сендвич или салата.

М. Д. | Црнобело