Џвакајте сирење, не мастика: Храна која ви ги прави забите блескаво бели и здрави

Насмевката не ве чини апсолутно ништо, но важно е таа да биде здрава и блескава.

Денес трошиме цело богатство на корекции, поправање, навлаки и избелување на забите, без да знаеме дека храната која ја внесуваме може да ни реши дел од тие проблеми.

Па, пред да посегнете по хемиско избелување, пробајте почесто да ги консумирате овие 9 прехранбени продукти и забележете ја разликата:

Џвакајте сирење, наместо гума за џвакање

Одличен извор на калциум, кој е клучен за здравјето на забите, а покрај тоа и го покачува pH нивото на 5,5, па во оваа средина е отежнато расипувањето на забот.

Куркума наместо лекови

Истражувањата докажуваат дека куркумата може да реши сериозни проблеми со забите почнувајќи од обична болка, па до надуени непца, гингивитис и периодонтитис.

Краставица наместо лимон

Влакната во краставицата ги чуваат и избелуваат забите многу подобро од лимонот, бидејќи во својот состав немаат киселини кои ја оштетуваат површината на забот.

Јагоди наместо било кој друг десерт

Јагодите се моќен избелувач на забите и се богати со витамин Ц. Доколку ги помешате со сода бикарбона, добивате извонредно природно средство кое ќе ви овозможи блескаво бели заби.

Тофу, доколку пиете многу газирани пијалаци

Тофуто е богато со калциум, а покрај тоа се препорачува негово почесто консумирање на лицата кои пијат големи количини газирани пијалаци, бидејќи ги заштитува забите од шеќерите во нив.

Зелен наместо црн чај

Зелениот чај е богат со полифеноли, кои помагаат во борбата против бактериите во устата и забите. Плус, е одличен освежувач на здивот.

Кокос vs. чоколадо

Кокосовото масло прави чуда за здравјето на забите. Исплакнете ја устата со кокосово масло, држете го 15-20 минути и потоа плукнете. Ова е посебно препорачливо на луѓето кои консумираат големи количини чоколадо и слатки.

Целер за чистење од солени грицки

Целерот е свеж и крцкав и ви помага да ги исчистите непцата, со што спречувате создавање на парадонтални џебови.

Кромид

Можеби не гарантираат добар мирис, но дефинитивно ќе ве заштити од формирање на наслаги на забите. Плус, ја олеснува болката во забите и непцата.

М. Д. | Црнобело