Навики кои ќе ви помогнат да се ослободите од проблемите со сонот

Природата на сонот е многу широко поле за истражување, а научниците секоја година откриваат по неко иинтересни факти.

На пример, експеримент со 60 парови, покажал дека кавгите и нетолеранцијата кон партнерот, се директно поврзани со квалитетот на сонот.

Дали и вие се будите изморени бидејќи цела ноќ не сте се наспале и сте се превртувале во кревет?

Дознајте што треба да правите за добро да се наспиете, доколку имате проблеми со сонот:

Стапалата одржувајте ги топли, а мислите ладни

Истражувањата покажуваат дека ако екстремитетите ви се топли, ќе можете побрзо да заспиете.

Иако можеби не сте навикнати, сепак е најдобро да облечете еден пар омилени и пријатни чорапи навечер, бидејќи така нема да имате разлика во температурата на телото и нема да се будите за да се покриете.

А, што се однесува до ладните мисли, луѓето се чувствуваат попријатно и релаксирано со излуфтирана просторија и се поопуштени пред да заспијат. Но, внимавајте да не ја направите собата преладна.

Подгответе се за спиење

Професионален фитнес инструктор развил уникатен систем за подготовка за спиење кој помага во враќање на енергијата во текот на ноќта. Тоа е едноставна „10-3-2-1-0“ форумула која ќе ве мотивира да го ограничите бројот на работи кои го уништуваат сонот.

• 10 часа пред спиење – без кофеин
• 3 часа пред спиење – без алкохол и храна
• 2 часа пред спиење – без работа и бизнис задачи
• 1 час пред спиење – без електронски уреди, само хартија и книги
• 0 „snooze“ опции – разбудете се на првото ѕвонење на алармот

Би било одлично ако оваа формула си ја претворите во секојдневна навика.

Најдете најдобра положба за спиење

Ако чувствувате вкочанетост во екстремитетите, болка во грбот или вратот и потеченост во лицето наутро, време е да ја промените положбата во која спиете.   

Многу доктори сметаат дека спиењето на левата страна е најдобро за вашето тело. Така се подобрува циркулацијата на крвта и работата на дигестивниот систем. Ако преферирате да спиете во оваа положба, ќе избегнете и проблеми со имунолошкиот систем.

Ако не сте подготвени за оваа промена, обидете се да ја одржувате природната линија на р’бетот. Ставете перница за да го намалите притисокот во колената и другите делови од телото.

Зголемете го нивото на мелатонин

Како што знаете, мелатонин е хормонот за спиење кој го регулира нашиот биоритам. Константниот недостаток на овој хормон може да доведе до инсомнија, а нашите нездрави навики имаат големо влијание врз лачењето на мелатонин во нашето тело.

За да го спречите овој недостаток, јадете храна богата со триптофан – банана, мисирка, кашкавал, ореви и семки.

Заспивајте и будете се со партнерот

Кој може подобро да ве мотивира од партнерот? Стекнете заедничка навика на заспивање истовремено и мотивирајте се, а следниот ден разбудете се порано и поминете пријатно заедничко утро.

Научниците велат дека спиењето со саканиот партнер го намалува нивото на стрес хормонот.

Откријте ја мудроста на Истокот

Тибетските монаси веруваат дека вашиот дух влијае на целокупното здравје. Гимнастиката помага бри зајакнување и насочување на енергијата во телото. Основни истегнувања во кревет можат да ја зголемат мозочната активност, да ве расонат и да имаат позитивно здравствено влијание врз телото.

• Нежно масирајте ги очите со палците и подобрете ја работата на нервниот систем.
• Дишете длабоко и испуштајте го стомакот напред – назад. Повторете го ова 20 пати.
• Држете ги колената свиткани над градите и останете во оваа положба 1 минута. Со ова ќе ја активирате работата ан стомакот и ќе ги истегнете грбните мускули.

М. М. | Црнобело