Колеги кои кашлаат и непроветрен простор: Како да се изборите со канцелариските настинки и вирози?

Работата со многу колеги некогаш може да биде вистински предизвик, особено во време кога владеат настинки и вирози. Дополнително отежнува и централната климатизација/греење, која што најчесто е поставена во канцелариите.

Во студените денови концентрацијата на бактерии во работниот простор се зголемува поради тоа што ретко се проветрува, па многу е веројатно да се заразите.

Сепак, секогаш постои начин како да се заштитите и успешно да ги избегнете вирусите и бактериите. Неколку навики ќе ви помогнат во тоа:

- Кога користите фиксен телефон, кафемат, заеднички работни површини, задолжително измијте ги рацете.

- Направете дезинфекција на своето биро, тастатурата и маусот со марамчиња за дезинфекција.

- Многу вработени доаѓаат на работа и кога се болни, па најдобро е да го намалите контактот со нив, освен ако е неопходен. Посоветувајте ги да земат боледување или неколку дена одмор додека да оздрават.

- Секогаш имајте при рака таблети, витамин Ц и имуностимулатор. Најдобро е редовно да ги користите уште пред сезоната.

- Избегнувајте ги кваките, особено во тоалетите. Отворајте ја вратата со хартиено марамче и веднаш фрлете го во ѓубре. Не го допирајте лицето и задолжително купете гел за дезинфекција на раце.

- Доколку кивате, користете марамче, а доколку ставате рака на уста, веднаш потоа измијте си ги рацете со сапун.

- Во овој период од годината навистина е многу важно да пиете течности, витамини, чаеви, но и да ја користите паузата на работа за да излезете од канцеларискиот простор.

С. У | Црнобело