Колку време по породувањето ќе можете (и ќе сакате) да имате секс?

Неодамна се породивте, а сексот ви е последното нешто што ви паѓа на ум? Или пак имате нескротливо либидо?

Дури и да имате нормално породување со минимална или без интервенција, шансите дека сексот ќе ви биде последното нешто на ум во деновите по породувањето се огромни.

Вие ќе се запрашувате колку време треба да мине за да почнете долу да чувствувате нешто додека уринирате.

Ако мислите дека никогаш повеќе нема да дозволите некому да ве допре таму долу, изјавите на некои жени кои веќе го имале тоа искуство можеби ќе ви помогнат:

„Кога го родив моето прво дете ме советуваа да чекаме шест седмици додека да имаме секс, но две седмици по породувањето јас имав секс со сопругот. Не можев да издржам затоа што уште на четвртиот ден по породувањето имав либидо високо до плафонот.“

„Бременоста и хормоните ме претворија во вистински ѕвер, па секс имав дури два месеци потоа.“

„Имав царски рез со компликации и сексот не ми паѓаше на ум долго, долго време.“

„Имав лесно породување и работите брзо се вратија во нормала. Акцијата беше како порано.“

Доктор Клер Морисон вели дека нема конкретни правила кога смеете да имате секс по породувањето бидејќи тоа е многу индивидуално.

„Во првите 10 до 14 дена ретко кој од паровите помислува на секс. Кај родилките има вагинална болка и исцедоци од крв, а да не ја споменуваме постојаната нега што ја бара новороденчето од вас. 

Многу жени чекаат барем месец и половина по породувањето за работите да се вратат во нормала, но ако породувањето не било тешко некои се одлучуваат на секс и порано, додека пак други чекаат и со месеци.

Кога се грижите за мало бебе потребно е многу време и енергија, па многу мајки страдаат од ниско либидо и сувост на вагината. Самото породување е траума за психата и телото, па сите реагираат различно. 

Потребно е само трпение. Најважно е да комуницирате со партнерот и да ја задржите интимност на начини кои не вклучуваат пенетрација.“

С. С. | Црнобело