Колку часа треба да спиете според возраста?


Колку часа треба да спиете според возраста?

Сигурно веќе ви е смачено да читате за квалитетниот сон, но спиењето е многу важно за здравјето иако можеби вам не ви изгледа така.

kolku-vreme-spienje-vi-e-potrebno-zavisno-od-vozrasta-i-kako-da-go-podobrite-sonot-01.fw.jpg

Обично, за доволно се сметаат стандардните 7-8 часа спиење, но сепак тоа не е секогаш случај.

За да имате квалитетен сон, важна е и возраста, која одредува колку часа спиење ви се доволни.

И додека многумина чекаат да дојде викенд за да се наспијат, а во текот на работната недела се измачуваат и остануваат будни до доцна, не се ни свесни колку тоа може да им наштети.

Недостаток на сон

Недоволниот сон го ослабува имунитетот и може да доведе до сериозни последици, како и да го зголеми ризикот на развивање на следниве проблеми и заболувања:

  • Исцрпеност
  • Депресија
  • Промени во работата на хормоните
  • Кардиоваскуларни заболувања
  • Проблеми со видот
  • Дијабетес

Покрај сите овие работи, лошиот сон влијае и на телото и изгледот, може да дојде до накачување тежина, подочници и менување на бојата на кожата.

kolku-vreme-spienje-vi-e-potrebno-zavisno-od-vozrasta-i-kako-da-go-podobrite-sonot03.jpg

Возраст и сон

Научниците откриле поврзаност помеѓу возраста и потребниот број на часови за добар сон:

  • 0-3 месеци: 14-17 часа
  • 4-11 месеци: 12-15 часа
  • 1-2 години: 11-14 часа
  • 3-5 години: 10-13 часа
  • 6-13 години: 9-11 часа
  • 14-17 години: 8-10 часа
  • 18-25 години: 7-9 часа
  • 26-64 години: 7-9 часа
  • 65+ години: 7-8 часа

Колку е повозрасен човекот толку помалку часови за спиење му се потребни, во зависност од децата.

На бебињата им е потребно најмногу сон, на децата до 18 години им се потребни до 10 часа сон, а подоцна периодот за квалитетен сон доаѓа до стандардните и познати 7-9 часа.

kolku-vreme-spienje-vi-e-potrebno-zavisno-od-vozrasta-i-kako-da-go-podobrite-sonot-02.jpg

Подобрување на сонот

Следниве совети ќе ви помогнат подобро да се наспиете и да се чувствувате посвежо секојдневно:

  • Запомнете дека треба да сте будни преку ден, а навечер да спиете – ако ја нарушите оваа шема, ќе настанат проблеми
  • Заспивајте и будете се секој ден во исто време
  • Не пијте алкохолни пијалаци пред спиење
  • Не се прејадувајте навечер
  • Создадете си удобна и пријатна атмосфера во спалната
  • Одберете удобен кревет и душек и квалитетни перници и постелнини
  • Не користете електронски уреди пред спиење
  • Кратка прошетка на свеж воздух ќе ви помогне да заспиете побрзо

kolku-vreme-spienje-vi-e-potrebno-zavisno-od-vozrasta-i-kako-da-go-podobrite-sonot-04.jpg

М. М. | Црнобело

Би можело да ве интересира:

Зошто подобро спиете кога не сте сами во кревет? Првата ноќ помината во кревет со нов партнер не е никогаш лесна. Додека рацете и...
Зошто има денови кога се будите со силна главоболка? Без оглед на тоа колку рано ќе си легнете, колку долго и квалитетно ќе спиете, и...
9 навики пред спиење коишто укажуваат на анксиозност Дали имате специфични навики и ритуали коишто ги применувате пред спиење, но им ...

Најчитани неделава