Што се случува со вашето тело кога летате со авион?


Што се случува со вашето тело кога летате со авион?

Секој ден илјадници луѓе патуваат со авион, но ретко кој од нив знае што точно се случува со нивното тело додека трае патувањето.

shto-se-sluchuva-so-vasheto-telo-koga-patuvate-so-avion-01.jpg

Летањето со авион не може да се спореди со ниту еден друг вид на транспорт. Кога сме таму горе, атмосферскиот притисок влијае нашето тело да работи поинаку отколку кога сме во автомобил, автобус или пловило.

На височини од 10 до 12 километри над тлото, потребно е да се регулира нивото на кислород во авионските кабини, односно да се допумпува поголема количина.

Но, нашето тело може да се почувствува исцрпено поради намалената апсорпција на кислород и да реагира со вртоглавица или главоболка.

Исто така, влажноста на воздухот може да биде прениска, па кожата да реагира со сушење и чешање. Поради сите овие услови, можно е привремено да се измени сетилото за вкус.

Многумина кои летале со авион тврдат дека тоа им предизвикало венска тромбоза. Причината за тоа лежи и во недостатокот на кислород и од воздушниот притисок, но и поради подолгото седење, особено кога се лета на долги дестинации или кога се менуваат летови. 

За да ви биде попријатно во авионот, но и полесно да го поднесете патувањето, потребно е да станете барем еднаш во текот на летот и да отидете до тоалет, иако не ви се оди.

Со тоа малку ќе се раздвижите. Пијте доволно вода за да останете хидрирани.

Користете спреј за нос со морска сол за да ја влажните слузокожата и секако, нанесете хидратантна крема на лицето и рацете, за кожата помалку да се суши.

Е. Д. | Црнобело

Би можело да ве интересира:

Ќе станете поубави, видот може да се влоши: Што ќе се случува со вашет... Стравот од стареење е вообичаен кај сите, посебно кај оние кои полека се приближ...
Прва помош за изгореници од сонце: 6 трикови за ублажување на болката Сигурно и вам ви се случило да изгорите уште на првиот или вториот ден од одморо...
Што ќе му се случи на вашето тело ако живеете една седмица без стрес? Само една седмица релаксираност и смирен ум ќе направи чуда за вас. Без раз...