Шест нешта што заболекарите се молат да не ги правите при оралната хигиена

Хигиената на забите и усната шуплина е многу важна, исто како и редовната посета на вашиот стоматолог, без да чекате воопшто да се случи некаков проблем за да го направите тоа.

Негата на забите одзема околу три минути во текот на денот, а всушност е навистина важна. Здравите и чисти заби може да значат и дека се грижите општо за своето здравје. Поради тоа, потребно е да имате редовна рутина за миење заби и усна шуплина.

Но и покрај тоа, луѓето се склони на грешки, кои им ја креваат косата на стоматолозите:

Четкате пребрзо

Брзото и силно четкање не значи и дека е ефикасно. Мијте ги забите со соодветна четка, без премногу да притискате и да внимавате да четкате со умерена брзина. Четкањето треба да трае околу две минути. 

Се потпирате на течноста за плакнење

Течноста за плакнење на устата е само дополнителна нега за испирање на усната празнина. Во никој случај не треба да ви биде замена на четката и пастата за заби.

Може да ја користите во итни случаи, ако немате во моментот четка и паста, но на долг план нема да ве заштити од кариес, гингивитис и парадентоза.

Одите кај заболекар само ако имате проблем

Редовните прегледи кај стоматологот се задолжителни. Не дозволувајте да се доведете во ситуација да имате проблем со оралното здравје и да реагирате предоцна.

Користите неисправна четка за заби

Четката не треба да биде премека, но ниту премногу тврда. Во првиот случај постигнувате лоши резултати, а во вториот ги повредувате непцата. Најдете ја онаа која ви одговара.

Ги гледате забите како засебна целина

Иако за нивното здравје ви е потребен специјалист, не значи и дека треба да ги занемарите во целокупното влијание врз вашата општа здравствена состојба.

Не заборавајте дека од устата се храните и дека е еден од значајните „влезови“ во вашето тело. Замислете што се случува ако не ја одржувате хигиената редовоно.

Верувате дека здравјето на забите е генетско

Делумно да, но делумно и не. Дури и ако имате супер здрави и цврсти заби во целата фамилија, тоа не ви дава дозвола да ја занемарите хигиената. Доколку не се грижите за оралното здравје, дури и најздравите заби може да се расипат.

Е. Д. | Црнобело