Кратка масажа која ќе ве ослободи од болките во стапалата

Ако страдате од хронични болки во сводовите на стапалата, не сте сами - вашето „страдање“ го делат најмалку два милиона луѓе низ светот.

Болката може да биде причинета од многу фактори, вклучувајќи ги неудобните обувки, предолгото стоење, неправилното држење на телото, па дури и трчањето во несоодветни патики. Доколку не се третира навреме, болката може да премине во хронична.

Доколку се препознавте во описот, тогаш задолжително треба да разговарате со вашиот ортопед. Можеби треба да носите специјални обувки или да ставите влошка во чевлите за правилно држење на ногата. Постојат и ноќни преврски, кои ја олеснуваат болката.

Исто така, постои и лесна и кратка, но ефикасна масажа која можете да си ја правите и самите секој ден, за да го релаксирате стапалото по многуте часови поминати во неудобни или тесни обувки.

Tри чекори до ефикасна масажа

Идеално време да примените масажа на вашите уморни стапала е веднаш по капење или туширање или претходно да ги потопите во леѓен со топла вода. Со тоа, веќе вашето стапало е загреано и до некаде релаксирано.

1. Нанесете хидратантно масло за масажа или обична крема за стапала на нозете

2. Масирајте го целото стапало со движења нагоре-надолу по должината, со среден до силен притисок, во траење од 20-30 секунди

3. Потоа масирајте го само сводот, со посилен притисок, со праволиниски движења нагоре-надолу околу две минути

Со оваа масажа ја подобрувате циркулацијата и ја намалувате затегнатоста на сводот. По масирањето, држете ладна облога на сводот околу 15 минути.

Е. Д. | Црнобело