Ваши грешки и лоши навики поради кои сте подложни на настинки и вируси

Сигурни сме дека секој од вас прави сè што може за да се заштити од преладеност, вируси и грозница, но сепак, повторно страдате од нив.

Вирозите најчесто почнуваат нагло, до пред две минути ви е добро, а сега веќе кашлате, кивате, носот ви е затнат, чувствувате дека температурата ви е покачена, уморни сте и ве боли главата.

Но, дали некогаш сте помислиле дека правите некоја грешка, поради која сите витамини и грижата за имунитетот паѓаат во вода?

Не ги миете темелно рацете

Миењето на рацете со топла вода и сапун е вашиот најдобар сојузник против бактериите. Најважно е рамномерно да нанесете сапун на секој прст и на крај убаво да го исплакнете со топла вода.

Ја ставате чантата на под

Нема ништо лошо во тоа, освен ако кога стигнете дома не ја оставите чантата во креветот или на кујнска површина. Најдобро е да избегнувате да ги спуштате своите чанти, торби и ранци на подот, бидејќи на тој начин на нив се лепат илјадници бактерии.

Не ги дезинфицирате кваките дома

Колку и да одржувате чисто, дезинфекцијата на кваките треба да ви биде приоритет. Нив ги допираме и кога рацете ни се највалкани, а потоа таа нечистотија повторно си ја пренесуваме на кожата.

Ги носите чевлите низ дома

Сите валканици кои сте ги собрале надвор, на овој начин ги внесувате дома. А, размислете само што сè има по улиците и тротоарите каде се движите.

Не го чистите мобилниот телефон

На мобилниот телефон се собираат многу нечистотии затоа што барем еднаш дневно го користиме со нечисти раце. Затоа и треба да го чистите секој ден со дезинфекциски марамчиња.

Не пиете јогурт

Пробиотиците во јогуртот се добри за балансот на цревната флора во вашето тело, а во јогуртот ги има доволно за да ја задоволат вашата дневна потреба.

Е. Д. | Црнобело