Слабејте додека спиете со помош на неколку едноставни совети
Спонзорирано од:
Спонзорирано од ОгласиЗаРабота.мк
Референт 23-08-2019


Слабејте додека спиете со помош на неколку едноставни совети

Иако звучи премногу добро за да биде вистинито, сепак е можно да го забрзате процесот на слабеење додека спиете. Се разбира, тоа треба да биде во комбинација здрава исхрана и физичка активност, но сепак е возможно.

 slabejte-dodeka-spiete-so-pomosh-na-ovie-ednostavni-soveti-01.jpg

Веројатно се прашувате каква врска има сонот со диетата. Луѓето кои спијат доволно и квалитетно имаат ниска вредност на грелин во организмот. Грелинот е хормон кој го предизвикува чувството на глад.

Исто така, овие луѓе имаат и пониско ниво на лептин, односно хормонот кој го регулира нивото на енергија и го намалува апетитот.

Доколку сакате да слабеете додека спиете, обидете се да се придржувате до следниве совети:

Спалната соба нека биде темна и студена

Знаевте ли дека и најмалиот извор на светлина може да го наруши вашиот сон? Исто важна е и собната температура – доколку навечер ви е малку студено, ќе согорувате повеќе калории. Луѓето кои спијат во топла соба дури се изложени на ризик да го зголемат количеството на масти во телото.

Покрај тоа, многу полесно и подобро ќе спиете доколку спалната соба е темна и студена.

Дигитален детокс во спалната соба

Обидете се да не ги користите електронските уреди навечер. Бројни истражувања покажале дека ова ќе го подобри квалитетот на вашиот сон.

Исхрана

Погрешната храна може да го влоши спиењето. Поради ова, навечер избегнувајте да консумирате слатка и мрсна храна. Истовремено немојте да консумирате никакви грицки доцна навечер коишто телото ќе треба да ги преработи.

Поради ова, се препорачува после 18:30 да не јадете воопшто. На овој начин телото ќе се погрижи за ослободување од мастите во текот на ноќта.

slabejte-dodeka-spiete-so-pomosh-na-nekolku-ednostavni-soveti-02.jpg

Ритуали за релаксирање

Без разлика дали сакате шолја чај, туширање со топла вода или јога, овие ритуали за опуштање ќе ви помогнат да спиете подобро.

Важен е и квалитетот на креветот

Перницата и душекот треба да бидат прилагодени на вашите потреби, а особено на вашето тело. На пример, на потешките луѓе им е потребен потврд душек, а доколку имате неквалитетен прекривач, можно е да се испотите навечер.

Перницата не треба да биде ниту премногу рамна, ниту премногу висока. Следниот пат кога ќе ги купувате овие нешта, одбирајте внимателно.

Одете на лекар

Дури и ако ги следите сите совети, тоа не значи дека ќе ви гарантираат добар сон. Доколу имате сериозни проблеми со спиењето, најдобро е да се консултирате со вашиот лекар.

Спирова С. | Црнобело

Би можело да ве интересира:

Храна која треба сè повеќе да ја јадете како што „стареете“ Како што станувате повозрасни, така се менуваат потребите на телото и треба да с...
8 работи што ќе му се случат на телото ако почнете секој ден да пиете ... Намалување на тежина, подобрување на здравјето, третирање на нервите и зајакнува...
Храна и лекови кои не се добра комбинација и не треба да ги мешате Сите лекови имаат свои карактеристики, потребна доза која не треба да се надмину...