Медицинска, шиатцу - Разлики помеѓу разните видови масажи (и која е најдобра за вас)

Масажите го релаксираат нашето тело и позитивно влијаат врз нашето здравје. Но, како да одлучите која масажа е најдобра за вас?

Постојат многу видови масажи, па понекогаш не можеме да знаеме која да ја избереме.

Од медицински до релаксирачки, прочитајте нешто повеќе за разните видови на масажа и пронајдете ја идеалната за вас.

Класична (медицинска) масажа

Ова е комбинација на долги, кружни движења, стискање со раце и лакти со употреба на масло или лосион. Класичната масажа може да биде нежна и релаксирачка или силна и малку болна, но корисна за телото.

Важно е да ја изведува професионалец.

Оваа масажа е одлична кога сте вкочанети или ве боли одреден дел од телото.

Арома масажа

Оваа масажа е дополнета со придобивките од ароматерапијата, а користи етерични масла.

Терапевтите за масажа со ароматерапија треба да знаат кои масла се користат за да се намали стресот, кои за подобрување на циркулација и кои за какви било проблеми со кожата.

Најчесто се користи масло од лаванда и цитруси. Оваа масажа е особено препорачлива за намалување на стресот.

Шиатцу масажа

Шиатцу е јапонска техника во која се масира со прсти, односно со притискање на прстот на одредени точки на телото и задржување на стисокот од 2 до 8 секунди. Оваа масажа е специфична, бидејќи се прави преку облека.

Луѓето обично се пријатно изненадени по првата шиатцу масажа, бидејќи станува збор за длабока релаксација и спокојство.

Обично се препорачува да се оди на 5 до 10 третмани за да се постигне посакуваниот ефект.

Спортска масажа

Спортската масажа ги користи истите техники како класичната. Може да биде прилично болна и да предизвика воспаление на мускули, но е исклучително важна за оние кои се изложени на спортски напори.

Служи за брзо спортско закрепнување, како и за спречување на повреди.

Рефлексологија (масажа на стапала)

Рефлексологија се споредува со масажа на стапала, но многу пософистицирана верзија на истата. Со оваа масажа се притискаат точките на табаните, кои се поврзани со органите во телото.

Секоја точка на телото е поврзана со една точка на табаните. Ваквата масажа е исклучително релаксирачка, особено за луѓето кои поминуваат многу време на нозе.

Антицелулитна масажа

Во антицелулитна терапија е важно да се подобри циркулацијата, со цел да се елиминираат токсините и акумулираните масни клетки.

Оваа масажа го забрзува исфрлањето на вишокот течности.

Ефикасна е кога се прават повеќе третмани, обично десет, во интервали од една недела.

Ашера | Црнобело