Неочекувани симптоми на биполарно нарушување што често се игнорирани

Околу 46 милиони луѓе ширум светот страдаат од биполарно нарушување.

Биполарноста има влијание врз енергијата на луѓето, нивното расположение, социјалните активности, па дури и способноста за извршување на наједноставните задачи.

За жал, многу од симптомите на ова нарушување често се игнорирани, па луѓето не го добиваат потребниот третман.

Во продолжение погледнете 7 симптоми на биполарност на кои ретко им се обрнува внимание:

Проблеми со спиење

Кога имате биполарно нарушување, се менува распоредот на спиење. Ова, пак, може да резултира со несоница која трае со недели и која ќе има лошо влијание врз вашиот живот.

Истовремено, може да се намали и потребата за спиење, па да не се чувствувате уморно целиот ден.

Понекогаш, кај луѓето со биполарност се појавува и апнеја, што дополнително го намалува квалитетот на сонот.

Намалена концентрација

На луѓето со биполарно нарушување лесно им се одвлекува вниманието, без разлика каде се и што прават. Причината за ова е нивното променливо расположение.

Кога се обидуваат да се фокусираат на едно нешто и помислат на друго, почнуваат да го работат тоа. Ова го отежнува завршувањето на обврските и задачите.

Преголема самодоверба

Кај луѓето со биполарно нарушување може да се појави преголема самодоверба. Тие се чувствуваат супериорно и неранливо.

Самодовербата ги тера да мислат дека се поважни, помоќни и попаметни од другите

Брзо зборување

Неретко, биполарните луѓе сакаат да зборуваат многу и зборуваат брзо. Причината е што во моментот им доаѓаат илјадници мисли, па никако не можат да го стивнат нивниот ум.

Ова го отежнува секојдневниот живот и контролирањето на емоциите.

Често зборување

Бидејќи имаат многу мисли, биполарните луѓе имаат потреба да зборуваат многу. Често ја менуваат темата на разговор и можат да зборуваат многу долго.

Понекогаш можат да зборуваат погласно од другите и да не им дозволат да кажат ништо.

Одлично расположение

Луѓето со биполарно нарушување можат да имаат епизоди на многу добро расположение. Оваа појава е позната и како манија.

За време на овие манични епизоди тие се чувствуваат среќно и возбудено. Но, најчесто ова го следи депресивна епизода.

Екстремна раздразливост

Биполарните луѓе често се чувствуваат раздразливо, без некоја причина. Дури и најмалите ситници можат да ги разгневат.

Овие симптоми можат да се појават заедно или одделно. Доколку забележите некои од нив, добро би било да разговарате со професионалец.

Спирова С. | Црнобело