Совет од искусни нутриционисти: Како да спиете како дете?

Голем број луѓе навечер мака мачат и се борат со себе за квалитетен сон. Честопати ситуацијата може да ви изгледа безизлезна, но експертите тврдат дека со малку промена во исхраната може да имате подобри резултати на долг рок.

За нашето тело да функционира правилно, неопходно е да имате 8 часа сон во континуитет. На многумина им изгледа дека ова сценарио е невозможно заради нашите секојдневни навики, но процесот е едноставен – избегнување на одредени типови храна.

Важно е да знаете дека оброкот пред спиење има големо влијание на сонот. Експертите тврдат дека оброк богат со јаглехидрати може да оневозможи квалитетен одмор. 

Спротивно на ова, оброк богат со масти води до полесно заспивање. Двата типови оброци се со иста калорична вредност.

За добар сон потребно е да внесувате намирници кои се со ниско ниво на јаглехидрати и високо ниво на масти. Консумирајте јаткасти плодови, особено бадеми и ореви кои содржат мелатонин, хормон кој ги регулира циклусите на спиењето.

Консумирање храна со високо ниво на протеин помага да спиете подобро.

Покрај сирењето и јаткастите плодови, во групата на корисни намирници кои би било добро да ги консумирате навечер се и:

Месо (говедско, свинско, мисиркино)

Риба (лосос, туна, харинга, бакалар)

Масло (маслиново, кокосово, ленено)

Семки (сончоглед, чиа, лен)

Јајца

Е. П. | Црнобело / фото: depositphotos.com