Ментална мрзеливост

Сте го заборавиле насловот на филмот што го гледавте? Не се сеќавате на бројот од својот мобилен телефон, ниту каде сте ги оставиле клучевите?

Немате причина за паника. Повеќе од 70% од луѓето страдаат од „дупки“ кои повремено се јавуваат во меморијата.

Обично се во прашање само привремени и краткотрајни пореметувања, кои немаат никаква врска со сенилноста или некои психички пореметувања. Генерално станува збор за обична заборавност, која што е последица на расеаност, невнимание и премор.

Виталноста на умот во голема мерка зависи од начинот на живеење, при што клучна улога има исхраната, физичката и интелектуалната активност.

За добра меморија неопходна е врамнотежена исхрана, која на мозокот ќе му ги обезбеди сите супстанци неопходни за правилно одвивање на сите биохемиски процеси – белковини, јаглени хидрати, масти, витамини, минерални соли и ензими.

Треба да се избегнува тешка храна, затоа што не го оптеретува само желудникот туку и мозокот. Наместо масен оброк, на главата и годи физичка активност – пешачење, возење точак, занимавање со било кој спорт на аматерско ниво – затоа што го зголемува приливот на крв во мозокот, кој така има на располагање доволно кислород.

Покрај тоа, треба да се има на ум дека и мозокот како и мускулите, за добро да функционира, потребен му е постојан тренинг. Што повеќе го користиме и што повеќе врски воспоставува некоја нервна клетка, нашите интелектуални способности се подобри.

За борба против менталната мрзливост, читајте, пишувајте, учете! Помага и решавањето на крстозбори и други енигматски проблеми, играње карти и шах, учење стихови и вербални или нумерички секвенци на памет.

Секако, не треба да се заборави и добриот сон, во просек осум часа дневно, бидејќи без сон нема бистар ум.

Знајте дека заборавноста има и свои добри страни, бидејќи вашиот мозок секојдневно го бомбардираат безброј информации, па би експлодирал кога не би можел да направи автоматска селекција на пораките.