Фото-водич: Како да ги разликувате симптомите на ковид-19, настинка и грип?

Доаѓа период на настинки и сезонски грип, а корона вирусот зема уште поголем замав – како да ги распознавате симптомите и да не паничите на секое застудување?

Летните месеци многумина ги искористија за да одморат и да соберат енергија за есенските и зимските денови кои доаѓаат во време на пандемија.

Оваа сезона ќе биде вистински предизвик за луѓето и за здравствените работници, со оглед на тоа што многу почесто ќе се појавуваат случаи на настинки заради постуденото време, сезонски грип, како и позитивни на корона вирусот, заради полесната трансмисија во затворени простории.

Дали веќе неколкупати досега ви се случи да се „преладите“, да ви потече носот и да ве фати паника дека можеби е она од што сите се плашат периодов?

За да не кревате паника на секоја промена во здравјето, подготвивме фото-водич од BBC, направен по препораки од СЗО – кои симптоми се карактеристични за настинка, грип и ковид-19.

Напомена: Не значи дека треба да се водите строго по овие правила, бидејќи постојат исклучоци, но добро е да ги знаете најчестите симптоми. Задолжително контактирајте го вашиот лекар доколку почувствувате нешто и не си давајте сами дијагноза.

М. М. | Црнобело