Како да го „исчистите“ телото после прејадување?

Нема лек за прејадувањето, посебно ако се работи за големи количини мрсна храна, но постојат намирници кои делуваат како „противотрови“ и ви помагаат побрзо да се вратите во нормала, ако веќе не сте знаеле навреме да се контролирате посебно за време на празниците.

Па, ако празников претеравте со храната од трпезата, почнете со ред:

1. Пијте многу чаеви и вода

Задолжително пијте многу течности, односно чаеви без шеќер и чиста вода во првите 24 часа по прејадувањето. На овој начин ќе го поттикнете и забрзате метаболизмот и детоксикацијата.

2. Јадете јаболка

Јаболката не содржат масти, а имаат околу 90% вода, што е идеална комбинација. Содржи и витамини Ц и А, како и цинк, магнезиум, јод... Го прочистуваат целото тело, а лесно може да ги комбинирате и со цитрусни овошја.

3. Внесувајте повеќе јогурт

Делува како пробиотик и ја враќа во нормала работата на цревата.

4. Од зеленчуци консумирајте зелка, лиснат зелен зеленчук, брокула, лук

Сите овие зеленчуци имаат благотворно влијание на различни органи во телото – зелката го забрзува чистењето на црниот дроб, лиснатиот зеленчук има хлорофил кој ги исфрла токсините, брокулата има дејство на антиоксиданс, а белиот лук има антибактериско и антивирусно својство.

5. Овошен пијалак против прејадување

Во блендер измешајте банана, портокал и замрзнати малини или брусници. Може да користите и замрзнато шумско овошје.

М. Д. | Црнобело / фото: depositphotos.com