5 освежувачки правила

Секој ден е сè потопло, а иако телото полека ни се привикнува на високите температури, на 30 степени нема никогаш да се чувствуваме сосема удобно.

Ова се неколку правила кои може да ви помогнат да се освежите на исправен начин:

1. Избегнувајте многу ладни и жешки пијалаци. Дневно треба да испиете барем 3 литри течности. Добар избор е природната лимонада, минерална или обична вода.

Обратете внимание на тоа пијалаците да не се премногу ладни, за телото да не почувствува потреба за дополнително загревање, а потењето ќе го предизвикаат и многу топли пијалаци.

2. Клима во автомобилите. Разликата меѓу внатрешната и надворешната температура не смее да биде поголема од 6 степени.

Ако се ладите на уште пониска температура, може да добиете проблеми со притисокот, вкочанети мускули и настинка.

3. Солени грицки. Тие ја враќаат солта која сте ја загубиле со потењето. Сепак, во текот на топлите денови треба да јадете лесна храна и многу зеленчук и овошје.

4. Вртоглавица. Ако ве мачи вртоглавица, дигнете ги нозете во вис и ставете ладни облоги на вратот и челото.

5. Утринско трчање. Љубителите на спортските активности треба да се ограничат на раните утрински часови или доцна навечер кога ќе залади. Идеално време за трчање е меѓу 5-7 наутро.