6 тајни на Јапонците што ќе ви го продолжат животот и ќе ве направат посреќни

Внесувајте помали количини сол и масло, а секогаш кога сте во можност, одете во сауна или парна бања.

Јапонците го имаат можеби најдолгиот просечен животен век во светот, а во голема мера ова се должи нивните навики.

Тие се хранат здраво и обрнуваат внимание на физичката активност, а проблемите како рак и болести на срцето се навистина ретки кај нив.

Па, кои се тајните на Јапонците за долг и среќен живот?

Помалите порции се многу подобри

Јапонците ја служат храната во помали порции, и тоа со многу добра причина.

Тие веруваат дека помалите порции нè тераат да јадеме побавно, а со ова може да се избегне прејадувањето. Покрај тоа, и експертите препорачуваат дека е многу подобро да изедете повеќе мали оброци во текот на денот, околу 1-2 големи.

Престанете со јадење пред да се чувствувате потполно сити

Потребни се околу 20 минути за нашето тело да испрати сигнали до мозокот дека сме сити.

Поради ова, препорачливо е да престанете со јадење пред да се чувствувате потполно сити, или изедете само околу 80% од храната во порцијата.

Консумирајте само една лажичка масло и 1 грам сол дневно

На нашето тело му треба околу 1 грам сол дневно за да функционира правилно, но факт е дека ние јадеме многу повеќе.

Според експертите, не е препорачливо да внесуваме повеќе од 6 грама сол дневно – околу 1 лажичка.

Но доколку можете, намалете го овој број на 1-2 грама дневно, бидејќи на организмот не му ни треба повеќе.

Кога станува збор за масло, не треба да внесуваме повеќе од 5 лажички дневно. Уште подобро ако ја намалите количината на само една лажичка дневно.

Пешачењето е најдобрата физичка активност

Јапонците го обожаваат пешачењето и ова е можеби најчестата физичка активност кај нив.

Ако не можете да најдете време за физичка активност, пробајте само да се движите повеќе – одете пеш до работа, симнете се станица-две порано, одете пеш до продавница…

Почесто јадете тофу

Тофуто не е само за вегани и вегетаријанци, туку е одлична храна што треба да ја внесуваат сите.

Тофуто е една од омилените намирници на Јапонците бидејќи лесно се вметнува во секакви јадења, може да биде поздрава алтернатива за месо, богато е со протеини, но и други важни состојки како хранливи влакна калиум, магнезиум и железо.

Често посетувајте сауна или парна бања

Сауните и парните бањи не само што релаксираат и имаат позитивно влијание врз расположението, туку нудат и многу придобивки за здравјето.

На пример, парната бања е одлична за дишните органи и може да ја подобри состојбата на вашата кожа.

Сауната, пак, исто така ја подобрува состојбата на кожата, но и ги релаксира мускулите, ги отстранува токсините од телото и го подобрува здравјето на срцето.

Спирова С. | Црнобело