10 неочекувани промени што се случуваат во женското тело за време на бременост

Дали можеби сте имале проблеми со лошиот здив или, пак, сте забележале дека вашата коса е погуста и поздрава во текот на бременоста? Не сте единствените бидејќи иако необични и неочекувани, овие симптоми се сосема нормална појава кај бремените жени - но не кај сите.

Некои симптоми на бременост им се познати на сите. Утринската мачнина, зголемената потреба за одење во тоалет и отоците на нозете се само дел од симптомите што се јавуваат кај повеќето бремени жени.

Но постојат и многу други промени и симптоми за кои не се зборува често и иако звучат необично, сепак ги чувствуваат многу жени во текот на бременоста.

10 неочекувани (и неверојатни) промени што се случуваат во телото за време на бременост:

Лош здив

Постојат неколку причини за појава на лош здив во текот на бременоста, а една од најчестите е промената на нивото на хормони.

Хормоналните промени предизвикуваат сувост во устата. Ова, пак, води до зголемен развој на бактерии во нејзината внатрешност, а со тоа и лош здив.

Исто така, зголемениот доток на крв во бременоста има влијание и врз состојбата на непцето, па овој период можно е да забележите дека непцето ви крвави повеќе, особено кога ги миете забите. А, ова може да биде уште една причина за лош здив.

Зголемен волумен на крвта

Кај бремените жени се зголемува волуменот на крвната плазма и до 50%. Истражувањата покажале дека доколку жената носи поголемо бебе или близнаци, ова зголемување може да биде и поголемо.

Според експертите, ова настанува поради зголемениот доток на крв до органите на кои им треба повеќе кислород во текот на бременоста.

Зголемување на срцето

Како што веќе кажавме, во бременоста се зголемува волуменот на крвта. Исто така срцето пумпа повеќе крв, што значи се зголемува и крвниот притисок.

Сето ова води до мало зголемување на левата комора.

Лактација

Знаевте ли дека лактацијата може да почне уште пред да се породите?

Во текот на бременоста, градите почнуваат да произведуваат млеко неколку недели, па и месеци пред да се породите.

Супстанцата што ја лачат млечните жлезди додека трае бременоста е всушност првото млеко што го произведуваат градите додека се подготвуваат за хранење на детето.

Оваа лактација е сосема нормална и не треба да ве загрижува, но сепак консултирајте се со вашиот лекар.

Зошто се јавува зголемена желба за одредена храна?

Зголемената желба за одредена храна ја чувствуваат огромен број бремени жени. Некогаш тие чувствуваат потреба за храна што ја јаделе и претходно, но некогаш им се јавува желба за необични комбинации кои инаку никогаш не би ги јаделе.

Интересно е што не е позната точната причина за оваа појава. Постојат теории дека можеби станува збор за зголемена потреба од одредени витамин и минерали, но досега нема истражување што нашло конкретна поврзаност.

Постои веројатност и оваа желба да зависи од хормоналната промена во телото на бремените жени, која може да предизвика промени во сетилата за мирис и вкус.

Продолжува на следната страница...