10 неочекувани промени што се случуваат во женското тело за време на бременост

Низ телото на мајката почнуваат да се движат матични клетки

Бремените жени и нивните бебиња се поврзани со плацентата – физичка врска преку која се пренесуваат хранливите материи.

Според истражувањата, преку оваа врска се пренесуваат и матични клетки од бебето во телото на мајката кои потоа се „сместуваат“ во разни органи како белите дробови, срцето и бубрезите.

Истражувањата покажале и дека матичните клетки нудат заштита на телото на мајката, односно го забрзуваат процесот на заздравување на ткивото, па дури и го намалуваат ризикот од рак.

Што значи, додека е во вашиот стомак, вашето дете се грижи за вашето здравје.

Киселините во текот на бременоста можно е да значат дека детето ќе се роди со коса

Постои верување дека жените кои имаат многу киселини во текот на бременоста, секогаш раѓаат деца со повеќе коса.

Ова е потврдено од мала студија, што значи потребни се уште истражувања, но според некои експерти можно е да има некаква поврзаност.

Додека според верувањето самата коса ги предизвикува киселините, експертите сметаат дека главните виновници овде се хормоните што го предизвикуваат растењето на косата.

Според некои истражувања, хормоните кои најверојатно се одговорни за растот на косата на бебето имаат влијание врз дигестивниот систем на жената и предизвикуваат киселини.

Ослабени зглобови

Кај бремените жени може да се јави ослабување на зглобовите, како и болка во нив.

Причината за ова е хормонот релаксин кој ги „разлабавува“ зглобовите.

Овој хормон се лачи за време на бременоста и може да предизвика болки во зглобовите и чувство на слабост.

Погуста и поздрава коса

Покрај многуте непријатни симптоми што ги предизвикуваат хормоните во текот на бременоста, има и некои промени што сигурно ќе ви се допаднат.

Хормоналните промени можат да ја направат косата погуста и поздрава, а повеќето жени го забележуваат ова околу 15-тата недела од бременоста.

Интересно е што влакната на косата не стануваат подебели, туку паѓаат поретко отколку вообичаено. Па, на вашата глава има повеќе влакна, односно косата станува погуста.

Промени во гласот

Поради задржувањето на водата и другите процеси што се одвиваат во телото, жените имаат отоци на многу делови од телото за време на бременоста.

Овие отоци се јавуваат дури и кај гласните жици, поради што можат да настанат промени во гласот.

Односно, жените имаат малку понизок глас од вообичаено додека се бремени.

Спирова С. | Црнобело