Растение кое ќе ви го исчисти телото од глава до пети - како се користи?

Ова растение ја подобрува крвната слика, го чисти организмот, а добро се покажува и при лекување на гихт и егзема. Го ублажува и ревматизмот, го лекува црниот дроб и го помага лачењето на жолчката.

Станува збор за глуварче.

Содржи горчливи материи (тараксацин) и танини, а коренот е богат со инулин. Полн е и со калиумови соли.

Меѓу лековитите материи содржи и холин, како и малку етерично масло. Свежите листови од глуварче содржат витамини А, Б и Ц и железо.

Горчливите материи го стимулираат дигестивниот тракт – тараксацинот го зголемува лачењето на гастричните жлезди и го подобрува апетитот.

Лековитите материи од глуварчето ги зајакнуваат и цревата, што влијае и на функционирањето на црниот дроб и жолчката, а помага и при констипација.

Глуварчето е диуретик, лекува инфекции на бубрезите и мочниот меур, а погодно е и за луѓе со песок и камења во бубрезите.

Глуварчето ги зајакнува слезината и панкреасот, а тоа се манифестира со регулирање на нивото на шеќер во крвта, како и регулирање на телесните масти, холестеролот и триглицеридите.

Како правилно се користи?

Глуварчето смее да се јаде, па така можете да го консумирате како салата, со кисели краставички, супи, чорби, но и како замена за кафе.

Многу ефикасен е и чајот од глуварче, кој лесно и брзо можете да го направите дома. Две лажички суви лисја од глуварче прелијте ги со чаша врела вода и покријте. По 20 минути се цеди и се пие додека е топло.

Ако чајот е направен од корен од глуварче, тогаш две кафени лажички сечкан корен се ставаат во ладна вода, се загреваат и се тргаат од оган откако ќе зоврие две минути.

Десет минути подоцна, чајот се прецедува и се пие. Пожелно е да пиете 2-3 чаши на ден за резултати.

(О)Милена | Црнобело