10 промени на телото кои некогаш можат да бидат знак за здравствен проблем

Сувост во очите

Сувоста во очите обично е придружена и со други симптоми, како чешање, црвенило и зголемена чувствителност на светлина.

Сувоста може да се појави поради возраста, контактните леќи, долгото гледање во екран, па дури и временските услови.

Сепак, ако забележите дека состојбата не ви се подобрува, одете на лекар бидејќи некогаш може да постои и друга причина, како алергија, лупус, проблеми со тироидната жлезда и недостаток од некои витамини.

Подуен стомак

Подуениот стомак е проблем што го искусил секој и обично не треба да ве загрижува, особено по обилен оброк или ако имате менструација.

Но ако го забележувате овој симптом речиси секојдневно, препорачливо е да проверите дали имате нетолеранција на некоја хранлива состојка, како глутен или лактоза.

Необјасниви модринки

На сите ни се случило да си најдеме модринка на ногата или на раката, а да не се сеќаваме каде сме се удриле.

Сепак, ако забележувате вакви модринки многу често, можно е да се соочувате со проблем како недостаток од витамин Ц, дијабетес или тромбофилија.

Постојана жед

Во лето е нормално почесто да чувствувате жед, но не и постојано.

Покрај дехидратацијата, причината за постојано чувство на жед може да биде анемија, а некогаш и дијабетес.

’Рчење

Во повеќето случаи, ’рчењето е безопасно и е предизвикано од анатомијата на вашите уста и синуси. Некогаш зависи и од телесната тежина, како и склоноста кон алергии.

Сепак, во некои случаи ’рчењето е предизвикано од апнеја, па добро би било да се проверите.

Спирова С. | Црнобело