5 машки навики што водат до неплодност, според гинеколог
„Постои причина зошто тестисите се надвор од телото, затоа заборавете на лаптоп во скутот“ – вели гинекологот Нора Крафорд во нејзините совети за паровите што се борат со неплодност. Таа појаснува кои пет работи никогаш не би ми ги дозволила на својот партнер. Кои се тие?
Кога се зборува за неплодност, најчесто се зборува за оние работи на коишто треба да внимаваат жените, но подеднакво е важно и партнерот да обрне внимание на своите животни навики и да воведе некои промени во секојдневието.
Нора Крафорд е гинеколог од Тексас, која има сопствена клиника и им помага на паровите што со години се борат со неплодност.
Докторката која на Инстаграм има над 180.000 следбеници, редовно споделува совети за паровите што сакаат да си ги зголемат шансите за потомство, па така сподели и едно видео во кое ги набројува петте работи што никогаш не би му ги дозволила на неговиот партнер, затоа што рпедизвикуваат неплодност.
Кои работи се најдоа на нејзиниот список?
Пушење цигари
Таа не навлегува премногу во објаснувањето, но вели дека цигарите се „ужасни за сперматозоидите“.
Консумирање марихуана
Со оглед на тоа што во некои земји марихуаната е легална за рекреитивна употреба, лекарката од САД, напоменува дека оваа дрога е контроверзна и дека заради влијанието што го има врз мозокот, го намалува производството на сперматозоиди и влијае врз нивниот облик.
Лаптоп компјутер во скутот
Таа вели дека топлината ја зголемува температурата во тестисите (и има причина зошто тие се надвор од телото).
Заборавете на производи од процесирано месо
Мажите треба да заборават на производи од процесирано месо затоа што тие содржат голем број хемикалии што е многу лошо за сперматозоидите.
Употреба на стероиди
Притоа Нора мисли на стероидите што некои спортисти ги земаат за да ја зголемат мускулната маса и да ги подобрат резултатите:
„Нема да имате сперматозоиди по неколку месеци или години, откако ќе ги користите овие лекови“ – вели таа.
Инаку, нејзините следбеници имаат поделени мислења за советите што ги дава.
Некои тврдат дека денес се родители иако нивните сопрузи правеле по некоја од споменатите работи, а други пак тврдат дека на потешкиот начин морале да научат дека петтата точка навистина може да им направи проблем со зачнувањето.
Погледнете го видеото на Нора во продолжение:
Б. С. Б. | Црнобело
Би можело да ве интересира:
Препорачуваме
Најчитани неделава
