Дали можете да направите ПАП-тест додека имате менструација или за време на бременост?

ПАП-тестот е процедура која помага во откривањето на рак на грлото на матката и е особено важен бидејќи раната детекција значи подобри шанси за лекување. Но, дали можете да го правите овој тест додека сте бремени или кога имате менструација?

ПАП-тестот е процедура за тестирање за рак на грлото на матката (цервикален карцином) кај жените. Раното откривање на рак на грлото на матката со ПАП-тест ви дава поголеми шанси за лекување.

ПАП-тестот исто така може да открие промени во вашите цервикални клетки кои сугерираат дека ракот може да се развие во иднина.

Раното откривање на овие абнормални клетки е вашиот прв чекор во запирање на можниот развој на рак на грлото на матката.

Дали можете да направите ПАП-тест за време на бременост?

Многу бремена жени се прашуваат дали можат (или треба) да направат ПАП-тест за време на бременост. Одговорот е да.

Всушност, повеќето лекари препорачуваат да се направи ПАП-тест во раната бременост како дел од рутинската пренатална нега.

Добра идеја е редовно да правите ПАП-тест дури и кога не сте бремени. Вашиот доктор најверојатно ќе препорача да го направите вашиот прв ПАП-тест до 21-вата година или три години по првиот сексуален однос, а потоа на секои три години до 29-тата година.

Ако имате фактори на ризик, односно ако вашата баба, мајка, тетка имале рак на грлото на матката, можеби ќе треба почесто да го правите овој тест, односно секоја година. 

Дали можете да направите ПАП-тест додека имате менструација?

Што се однесува до правењето ПАП-тест додека имате менструацијата, можете да го направите, иако можеби не е идеално ако имате многу обилна менструација.

Ако има премногу крв во вашиот примерок, тоа може да ги „замати“ резултатите.

Кога се прави ПАП-тест, гинекологот зема примерок кој содржи клетки од грлото на матката. Потоа се прави анализа на овие клетки со цел да се утврди дали се здрави или има некои промени кои можеби укажуваат на рак или зголемен ризик од појава на истиот.

Поради ова, многу обилната менструација може да биде причина за грешни резултати.

Затоа, најдобро е да се консултирате со вашиот гинеколог пред да закажете преглед.

M. Г. | Црнобело / фото: freepik.com