Упатство како сами да ги проверите вашите гради за рак на дојка + кои се симптомите?

Можеби изгледа страшно, но запознавањето на нашите тела е најдобриот начин да ги следиме сите промени и да спречиме големи проблеми. 

Освен грутка, постојат и други знаци на кои треба да внимаваме кога станува збор за рак на дојка. Ако забележите некој од овие знаци, најдобро е да посетите лекар...

Нема потреба од паника, но убаво е да се консултирате.

Знаци и симптоми на рак на дојка

- Промена во големината или обликот на едната или двете гради

- Нова грутка или област која е подебела од остатокот од градите

- Промена на изгледот или текстурата на вашата кожа

- Црвенило или осип (како егзема), кора или чешање на кожата на или околу брадавицата

- Промена во изгледот на вашата брадавица или испуштање течност од двете брадавици

- Болка во градите или пазувите која останува константна

- Грутка или оток во пазувите или околу вашата клучна коска

Упатство како да ги проверите вашите гради за рак на дојка:

- Прво, погледнете ги градите и проверете дали визуелно можете да забележите нешто. 

- Подигнете ги рацете во воздух за да проверите и под пазувите. 

- Потоа, со прстите пробајте да ги почувствувате и притиснете ги градите, пазувите, клучната коска и брадавиците. 

- Ако стекнете навика да го правите ова редовно, брзо ќе дознаете што е нормално за вашето тело, а што не.

- Kолку побрзо се дијагностицира ракот на дојката, толку е поголема веројатноста дека третманот ќе биде успешен.

Што да направите ако најдете грутка во градите?

Не паничете

Повеќето жени постојано имаат некои грутки околу градите, а повеќето грутки на дојката излегуваат дека се бенигни (не рак). Постојат голем број можни причини за неканцерозни грутки на дојката, вклучувајќи нормални хормонални промени, бенигна состојба на дојката или повреда.

Не двоумете се да се јавите на вашиот лекар ако сте забележале грутка или друга промена на градите што е нова и загрижувачка

Ова е особено точно за промените кои траат повеќе од еден целосен менструален циклус или се чини дека стануваат поголеми или поистакнати на некој начин. Ако имате менструација, можеби ќе сакате да почекате после менструацијата за да видите дали грутката или другата промена на градите исчезнува сама по себе пред да се јавите на вашиот лекар. 

Знајте што да очекувате

На состанокот за откривање на грутка на дојка, вашиот лекар зема здравствена историја и прави физички преглед на дојката и најверојатно прави тестови за снимање на градите.  Ултразвукот е често првиот или единствениот тест за снимање што се користи за откривање на грутка кај жени кои се помлади од 30 години или се бремени или дојат.

И ултразвукот и мамограмот обично се препорачуваат за да се процени грутка кај жени кои се постари од 30 години и не се бремени или дојат. Доколку е потребно дополнително тестирање, вашиот лекар може да препорача повторно снимање или да ве испрати кај хирург за подобра евалуација.

M. Г. | Црнобело / фото: freepik.com