Зошто се појавуваат линии на ноктите и дали се знак за проблеми со здравјето?

Вертикалните линии на ноктите кои изгледаат како испакнатини можат да бидат предизвикани од возраста, но и од неправилна исхрана. Хоризонталните линии, пак, можат да се појават од некои здравствени проблеми, но и од хемотерапија.

На ноктите можат да се појават хоризонтални бели линии, како и вертикални линии кои повеќе изгледаат како испакнатини.

Обично промените на ноктите укажуваат на недостаток од некоја хранлива материја, а некогаш и на проблеми со здравјето. Во овие случаи промената на ноктите би требало да биде придружена и со други симптоми.

Зошто се јавуваат вертикални линии на ноктите?

Кога не станува збор за здравствен проблем, вертикалните линии на ноктите најчесто се појавуваат поради сувост и неправилна исхрана.

Со возраста, способноста на ноктите да ги апсорбираат хранливите материи се намалува, па ова има влијание врз нивниот раст, а со тоа и нивниот облик.

Важно е да знаете дека не е така невообичаено да имате една-две вертикални линии на ноктите. Тие се честа појава кај средовечните жени и обично се знак дека ноктот старее.

Сепак, доколку забележите други промени во ноктот, како промена на бојата, задебелување или лесно кршење, можно е да станува збор за некој здравствен проблем.

Постојат многу здравствени проблеми кои предизвикуваат вакви промени на ноктите, вклучувајќи проблеми со кожата, псоријаза, егзема и ревматичен артритис.

Некогаш проблемот може да биде и недостаток на железо во крвта.

Ако сте загрижени, секогаш е добро да се консултирате со лекар.

Зошто е јавуваат хоризонтални линии на ноктите?

Хоризонталните линии на ноктите можат да се јават од многу причини, но не од повреда на ноктот или областа кај кутикулите.

Некои истражувања покажале дека ниското ниво на вид протеин може да предизвика појава на хоризонтални линии на ноктите.

Исто така, овие линии можат да се појават кај луѓе кои примале хемотерапија, луѓе кои имаа проблеми со бубрезите или црниот дроб, како и лоша исхрана преку која не се внесуваат голем број хранливи материи.

Како да се справите со линиите на ноктите?

Доколку линиите на ноктите се предизвикани од здравствен проблем, вашиот лекар ќе ви каже што да правите понатаму.

Доколку линиите се предизвикани од лоша исхрана, треба да направите некои промени во таа област.

Доколку нема здравствен проблем, единствено почнете да водите подобра грижа за вашите нокти. Сечете ги редовно и никако немојте да ги грицкате. Можете да почнете да користите и масла за нокти.

Спирова С. | Црнобело