Компири во чорапите – нов бизарен лек против настинка вирално се шири на социјалните мрежи (видео)

Колку природни лекови против настинки знаете? Наводно, по користењето на овој трик компирот станува црн од вирусите што се ослободени од вашето тело. Функционира ли лекот или има друго објаснување зошто компирот станува потемен?

На социјалните мрежи масовно се шири нов тренд за лекување настинки, а корисниците се уверени дека ова помага да се подобри здравствената состојба и дека компирот во чорапи помага да се извлечат вирусите од телото преку нозете.

Социјалната мрежа ТикТок е популарно место каде се споделуваат голем број совети, од оние за шминка и рецепти, до лекови против настинка за време на сезоната на вируси.

Досега над 8,1 милијарда луѓе ги погледнале видеата со новиот бизарен лек, а некои тврдат дека лекот делува и дека дури го употребиле истиот на нивните деца.

„Делува! Ќерка ми се чувствува многу подобро“ – вели една мајка до видеото што го објави.

@food_over_rx Potato sock flu remedy. It works !! My daughter has been feeling so much better !!! #potato #potatosocks ♬ Spongebob Tomfoolery - Dante9k Remix - David Snell

Според корисниците, потребно е компирот да се исече на крукчиња, да се стави на стапалото, да се покрие со чорапи и да се остави да стои во текот на ноќта.

Наводно, следниот ден ќе има отпечаток на стапалото на ногата од компирот, а зеленчукот ќе биде црн од токсините што се ослободиле од телото.

Но, нутриционистите не се сложуваат со оваа нова теорија за компирот и нагласуваат дека кога компирот ќе се пресече и ќе се остави да стои подолго време, тој најверојатно ќе потемни и ќе ја промени бојата.

Благодарение на воздухот и телесната топлина, кај компирот има ензимско потемнување и тоа нема никаква поврзаност со лекување на вируси и бактерии.

Лекарот Томи Мартин кој е мошне популарен на ТикТок, вели дека постојат други поефикасни и медицински докажани методи против настинки и велат дека родителите не смеат да се потпираат на овој бизарен лек и да не посетат лекар ако детето им е болно.

@dr.tommymartin #duet with @anotheroldmom the stores may run out of potatoes soon…… ?? #flu #flu#flucured #doctor #homeremedy #factorcap #potato #potatoinsock #getwellsoon ♬ Taste It - Ikson

 Б. С. Б. | Црнобело