Трендови за уредување на домот кои ќе доминираат во 2024 година
70-тите се враќаат на голема врата. „Бушави“ килими, плочки во впечатливи бои, темно дрво и уникатни детали ќе бидат хит нареднава година.
Почетокот на годината за многумина значи воведување некаква промена во домот.
Без разлика дали станува збор за нова боја на ѕидовите на дневната соба или за нови плочки во бањата, некој сака големи, а некој помали промени.
Доколку сте се одлучиле да воведете новитет во вашиот дом, ви ги претставуваме трендовите за 2024 година, кои можеби ќе ви послужат како инспирација.
Оживување на 70-тите
Трендовите за внатрешен дизајн од 70-тите ќе бидат во мода во 2024 година.
Темното дрво, лакираните површини, „бушавите“ килими и нискиот мебел се очекува да се вратат во домовите.
Плочки
Модерните плочки се очекува да бидат многу популарни во 2024 година.
Оние кои се љубители на минималистички дизајн може да одберат рамни плочки во неутрални бои.
Додека оние кои бараат похрабар изглед можат да изберат плочки во впечатливи бои како што се кафеавата, сината и зелената.
Максимилизам
Минималистичкиот дизајн доминира неколку сезони по ред, меѓутоа во 2024 година на сцена стапуваат смелите бои, шаренилото и луксузните текстури.
Овој тренд ќе поттикне храбар пристап кон дизајнот, овозможувајќи личноста да се изрази преку боите.
Топли тонови
Топлите тонови ќе бидат популарен избор за 2024 година.
Веселите и драматични нијанси, вклучувајќи ја зелената, сината и топлите земјени тонови, ќе бидат „ин“.
Овие бои предизвикуваат чувство на удобност и спокој, а истовремено се впечатливи.
С. Ш. | Црнобело
Би можело да ве интересира:
Препорачуваме
Најчитани неделава
