9 детали во уредувањето за кои веројатно ќе зажалите (и зошто)

Тепихот пред влезната врата постојано ќе биде извалкан, а истото важи и за стаклената маса во дневната.

Некои парчиња мебел несомнено изгледаат стилски, но откако ќе ги ставите во домот, сфаќате дека не се практични и само ви создаваат работа.

Неколку детали во уредувањето кои треба да ги избегнувате:

Тепих пред влезната врата

Тепихот можеби ќе ја апсорбира прашината од чевлите за да не ја разнесувате низ домот, но од друга страна, неизбежно е да го извалкате со кал или што било друго од надвор.

За оваа намена, многу е подобро да ставите мала черга која лесно можете да ја исперете во машина.

Бели или темни плочки во бањата

На белите плочки ќе се познава секоја дамка, па ќе треба да ги чистите секој ден.

На темните, пак, ќе се познава бигорот, па и нив ќе треба да ги чистите секој ден.

Стаклена масичка во дневната

Невозможно е да ја одржувате стаклената маса беспрекорно чиста, бидејќи доволно е да ја допрете со прст за на неа да остане отпечаток.

Многу поедноставно е во дневната да ставите дрвена масичка која е доволно да ја пребришете само еднаш дневно.

Оставање простор над кујнските шкафчиња

Дури и да го користите овој простор за складирање, ќе треба редовно да бришете прашина, а со тоа да ги пребришувате и работите што ќе ги чувате таму.

Многу подобро е шкафчињата да допираат до таванот.

Продолжува на следната страница...