Фотелја како гнездо и уште 5 парчиња мебел кои ќе доминираат во 2026-та

Мебелот во неутрална, топла бела боја ќе доминира, но во комбинација со парчиња во темнозелена или темносина боја. Софата со заоблена форма и без ногарки ќе биде хит. Кои други парчиња мебел ќе бидат во тренд во 2026?

На мебелот веќе не се гледа како во минатото – го купуваш еднаш и стои во домот засекогаш.

Сега многу почесто луѓето го менуваат енериерот, додаваат и одземаат ситници и следат трендови.

Па доколку сте од тие, можеби ќе сакате да ги знаете трендовите за мебел во 2026 година, независно дали сакате да промените нешто ситно или пак реновирате или целосно уредувате нов дом.

Кои парчиња мебел ќе доминираат во 2026?

Мебел во смирени бои, но во комбинација со повпечатливи кои не пречат на окото

Модерни бои за мебел во 2026:

• Топла бела, млечна, бојата на годината од Pantone
• Светло сива, маслинеста
• Бордо, темнозелена, темносина

Софа со заоблена форма со мек материјал и неутрална боја (идеално без или со ниски ногарки, како да лебди)

Не само обична фотелја, туку удобно гнездо, со комфорен потпирач, држачи за раце, па дури и за нозе

Маси со тенки ногарки наместо масивни модели

Мултифункционален мебел кој се трансформира или со можност за складирање

Мебел од топли и природни материјали (природно дрво, ратан, јута, лен)

М. М. | Црнобело