9 едноставни совети за вашиот дом да делува отмено и скапо

Планирате да го преуредите ентериерот модерно и практично, но сакате да изгледа елегантно и барем малку поскапо?

Со овие 9 одлични совети и скромно одвоен буџет, конечно можете да живеете во отмен дом.

Три е магичен број

Украсете го домот со 3 модерни уметнички слики кои се надополнуваат. Ако ви се прескапи за купување, тогаш испечатете ги и урамете ги сами.

Голем тепих

Ако живеете во прилично мал простор потребно ви е визуелно да ја проширите просторијата. Неутралната палета на бои, огледалото зад троседот или креветот и огромниот бушав тепих може да ја зголемат секоја соба.

Помалку е повеќе

Полните полици со сувенири и книги нема да го направат домот уреден и отмен. Не заборавајте дека потребно е да одберете неколку книги со убави корици, во светли бои и шари, па потоа да ги надополните со неколку сувенири.

Добра идеја е, ако имате простор, да направите катче за читање веднаш покрај полиците.

Одредете ја фокусната точка со само еден детаљ

На секоја соба и е потребна фокусна точка, па ако во вашата дневна соба немате детаљ кој ќе го привлече вниманието, пронајдете го.

Не мора да потрошите голема сума пари на него, сигурно ќе најдете нешто што соодветствува со вашиот вкус и буџет. Доволно е да го поставите на видна позиција, така што ќе го привлекува погледот на гостите.

Еден ѕид во потемна нијанса

Најевтин начин здодевната соба да ја претворите во отмено катче е да акцентирате еден ѕид во темна боја. Добредојдени се и тапетите.

Осветлете го просторот

Светлите простори се синоним за елеганција, па ако имате темни завеси или ролетни на прозорците - отстранете ги.

Контраст

Ако сакате спалната соба да е бела, креветот нека биде во различна боја. Ако пак кујната ви е во светло кафена боја, подновете се со маса или столчиња во потемна нијанса или потполно различна боја.

Различни стилови

Ако сакате да имате оригинален дом, мебелот купувајте го одделно. Така, во дневната може да имате две бели, но потполно различни фотелји. Едната нека биде модерна, другата старинска. Истиот совет применете го и во спалната соба, во која наткасните може да бидат ретро масички.

Соба со поглед

Луксузните домови и ентериери се одликуваат со отворен поглед кон градот, па овој луксуз можете да го постигнете со само еден совет.

За да имате добар поглед, прво мора да одберете простор. Големите и високи столчиња и фотелји ќе ви го закосат погледот, така што задолжително бирајте понизок мебел.