Одлична идеја за бањите – бетонски мијалници (фото)

Народски кажано, лавабото го краси или гнаси изгледот на тоалетот. Неговиот дизајн, боја и квалитет придонесува за убав или непривлечен простор.

Цената на квалитетен мијалник е прилично висока, а дури и кај најдобрите гаранцијата има ограничен рок на траење. По некое време започнуваат да пожолтуваат, а бараат и прилично често чистење и правилно одржување.

Еве една привлечна, уникатна и економична идеја – мијалници од бетон.

Бетонот е евтин, лесно достапен и се обликува едноставно и брзо во калап. Неговата боја е неутрална што значи дека одлично се вклопува со сите останати тонови во тоалетот. За посветла сива нијанса потребно е само да измешате побел цемент, но имајте предвид дека неговата цена е малку повисока од обичниот.

Единствено треба да имате предвид дека во смесата треба да се додадат адитиви со цел вашиот нов мијалник да не пропушта вода.

Воедно, може и да го обоите цементот со специјални бои во каква боја и да сакате.

Векот на траење е прилично долг, лесен е за одржување. Се суши брзо, не собира прашина, нема потреба од некое специјално одржување или скапи препарати и детергенти за чистење.

Одлично го доловува оној индустриски и рустичен изглед доколку го преферирате.

Идеи за кои вреди да размислите:

{gallery}odlicna-ideja-za-banjite-betonski-mijalnici-foto:180:180::{/gallery}

(О)Милена | Црнобело