10 стереотипи заради кои вашиот дом изгледа здодевно и застарено

Понекогаш ни е премногу тешко да се простиме од одредено парче мебел, кое колку и да е старо, сепак е здраво.

Но, имајте превид дека трендовите на внатрешниот ентериер постојано се менуваат. Доколку премногу долго се задржите на едни исти парчиња мебел или ист уредувачки тренд, вашиот дом ќе изгледа ветво и застарено.

Кои утврдени стереотипи за уредување на домот прават го прават вашиот омилен простор безживотен?

Ние имаме 10 предлози кои треба да ги смените во најбрз можен рок:

Идентична гарнитура и фотелји

Секако, ова не значи дека треба да го фрлите вашиот седмосед. 

Но, размислете колку би било подобро ако еден дел претапацирате во сосема поинаков материјал и дезен или пак, да додадете фотелји во различен стил и боја од гарнитурата за седење.

Инстантно ќе го освежите вашиот дом, правејќи го шик и стилски.

Сет од 2 исти парчиња мебел во спалните соби

Две идентични ноќни масички. Две исти вазни, два идентични украси. Заборавете на редот и симетријата.

Намерно одберете 2 парчиња мебел кои ќе бидат слични, но различни. Ќе се надополнуваат едно со друго, но нема да се идентични.

Не ѝ робувајте на симетријата, ниту на строго утврдените парчиња мебел, како гореспоменатите ноќни масички.

Наместо тоа, може да ставите и мебел изработен од алтернативен материјал, како палети, жици или гума.

Ѕидови во различни бои

Имаше еден период кога сите ги потенциравме ѕидовите во собите со различни бои, па дури и таваните, одбегнувајќи ја белата боја по секоја цена.

Сметавме дека е досадна, но нема ништо досадно во белите чисти ѕидови.

Напротив, тие визуелно го зголемуваат просторот, правејќи го простран и почист. 

Она што ќе ја освежи собата се додатоците кои треба да ги изберете со внимание и кои ќе го рефлектираат добриот вкус.

Мебел залепен до ѕидовите

Доколку собата навистина ви е премала, најчесто мебелот се „лепи“ до ѕидот за да не изгледа пренатрупана.

Но, кога имате повеќе простор, слободно може да ги разместите парчињата мебел низ целата просторија, со акцент на средината на собата.

Обични плочки во бањата

Има толку многу решенија како да ги покриете ѕидовите во бањата – од мозаици, до калено боено стакло, водоотпорни тапети, материјали кои имитираат дрво, бетон, природен камен.

Не се ограничувајте само на старите добри досадни плочки.

Уште 5 стереотипи на следната страна...