8 тајни за среќен, удобен дом од дизајнерка за IKEA

Сите ја обожаваме едноставноста, убавината и комфорот на скандинавските ентериери, а благодарение на дизајните не IKEA, тие ни се многу подостапни.

Пела Хедеби е дизајнерката која открива 8 главни тајни како секој дом да зрачи со среќа и удобност.

Читајте и применувајте:

1. Целете кон минимализам

Пред да почнете со уредување на една соба, одберете го само она што ви е неопходно. Колку помалку работи, толку повеќе простор. Бирајте мултифункционални парчиња мебел.

Важно е да креирате хармонија на работите и предметите во просторот.

2. Природното светло игра голема улога

Извлечете го максимумот од природното осветлување. Ниту една ламба не може да ги замени светлите ѕидови и големите прозорци.

3. Секое ќоше е важно

За секоја просторија во домот да биде стилска и удобна, добро треба да го смислите распоредот за складирање на работите.

4. Играјте си со текстурите

Релаксираната атмосфера на скандинавскиот минимализам произлегува токму од селекцијата на материјали и текстури. Не се ограничувајте само на еден тип. Мешајте дрво и камен со метал, стакло и керамика.

5. Не мора да користите само светли тонови

Не се плашете да искористите потемно дрво или темен тапацир за троседот. Сиво-сините тонови, како и зелено-сивите и кафеави нијанси се одлични за да додадете контраст.

6. Тајната е во деталите врз обичните парчиња мебел

Скандинавските дизајни се секогаш едноставни и со чисти линии, што може да делуваат здодевно на прв поглед. Затоа монотонијата мора да ја разбиете со додатоци како топли ќебиња на столчињата и декорации на полиците.

7. Декорациите мора да бидат функционални

Не трупајте што и да ви дојде при рака. Декорациите во просторот мора да имаат функција.

8. Боењето и пополнувањето на ѕидовите може да направи чудо

Најдобар ефект за промена и освежување на просторот се постигнува со боење и пополнување на ѕидовите. Не ги оставајте „клот.“

М. Д. | Црнобело