Како малата соба да ви изгледа поголема - 5 трикови за уредување

Играјте со светлината, користете т.н. „бестежински“ мебел и декорирајте со детали во впечатлива боја.

Ако имате малку простор на располагање со малку креативност и труд можете да направите собите во вашиот дом да изгледаат поголемо

Трикови како да направите малата соба да изгледа поголема:

База во пастелна боја и детали во впечатлива

Малата соба уредете ја во минималистички скандинавски стил за да оставите впечаток на отворен простор. Но, нема потреба сите ѕидови да бидат во бела боја.

Еден ѕид или килимот нека бидат во пастелна нијанса, а декорирајте со полици, фиоки или перничиња во впечатлива боја.

„Бестежински“ мебел

Во мала соба не смеете да ставате масивен мебел. Најдобро е тој да биде на ногарки за просторот да дише.

Користете мебел од акрил и стакло, како на пример маси и полици. Дизајните нека бидат едноставни, а парчињата мебел ставени до ѕидовите.

Играње со светлината

Со вистинскиот начин на осветлување можете да сокриете одредени недостатоци во вашиот дом.

„Подигнете“ го таванот со помош на светилки насочени кон него. За да ја проширите визуелно собата наместо еден лустер на централна позиција, ставете повеќе ѕидни ламби кои ќе рефлектираат на различни површини.

Соодветна декорација

Празните полици не изгледаат убаво, но наместо десетици мали украси изберете 1-2 со средна големина и ставете ги централно.

Ако сакате да ставите некоја голема ваза најдобро е да ја ставите во најоддалечениот агол од вратата. И сликите на ѕидовите нека бидат со среда големина.

Правила на ергономија

Важно е да спроведете тест на ергономија така што ќе ги затворите очите и ќе се движите низ станот по вообичаената рута.

При процесот запомнете што сè ви пречело на патот и потоа при уредувањето преместете го мебелот за просторот да дише.

С. С. | Црнобело