Трикови кои ќе ви помогнат да го „зголемите“ домот за неколку квадрати

Живеењето во мал стан може да биде вистински предизвик. Речиси никогаш немате место за вашите работи и малку е потребно за домот да изгледа „натрупано“. Но, и за ова има решение.

Постојат многу трикови што ќе ви помогнат визуелно да го зголемите вашиот дом и попаметно да го искористите целиот простор.

Во продолжение погледнете како:

Покуќнина со скриен простор за складирање

Бидејќи секогаш е потребно место да ги складирате вашите предмети, купете покуќнина во која има и простор за складирање.

На пример, можете да купите кревет со вградени фиоки, или пак столчиња и клупи под кои има простор за складирање.

Најважното е предметите да не бидат видливи за целиот простор да изгледа пошироко.

Покуќнина под која можете да ставате работи

Наместо кревет со фиоки, можете да купите и кревет со поширок простор под него. Овде ќе можете да ги организирате вашите предмети во разни кутии.

Во кујната набавете столчиња што ќе можете да ги ставите под масата кога нема да ги употребувате. Исто така можете да побарате и мебел што се раскопува кога не го користите.

Полици

Полицитие се одличен начин да го искористите просторот на ѕидовите кој обично е празен. Покрај книги, на нив можете да редете подароци, украси и какви било предмети.

Доколку не сакате да се гледаат предметите, набавете или направете си интересни кутии кои можете да ги наредите на полиците.

Светли бои

Светлите бои визуелно го прошируваат просторот. Па, најдобро е да ги варосате ѕидовите со некоја светла боја и да купувате таква покуќнина.

Огледала

Огледалата можат навистина да го прошират вашиот дом. На еден ѕид поставете големо огледало и просторијата ќе ви изгледа дупло поголема.

Декорација со линии

Исто како и кај облеката, тепихот или собата со линии ќе ја „издолжи“ просторијата. Украсете го ѕидот со вертикални линии и просторијата веднаш ќе изгледа повисоко.

Тргнете ги завесите

Големите завеси можат дополнително да го затворат и онака малиот простор. Па, тргнете ги завесите и оставете ги прозорците да ѝ дадат длабочина на собата.

Прекршете ги правилата

Само затоа што е дневна соба, не значи дека во неа мора да има двосед, тросед, маса, телевизор…

„Неочекуваниот“ мебел може да зафаќа помалку простор, да ја освежи просторијата и да изгледа навистина интересно.

Таван

Обично сме навикнати таванот да има бела боја, но нема потреба од тоа. Обојте го таванот со некоја жива боја што ќе го привлекува вниманието и ќе создаде илузија на повисока просторија.

Уметнички дела

Големите и драматични слики можат визуелно да го прошират вашиот дом. Па наместо повеќе мали украси, одберете еден поголем.

Спирова С. | Црнобело