За велигденската трпеза: Печено јагнешко со млади компирчиња, по грчки рецепт
Меко одвнатре, а крцкаво однадвор. Како да го подготвите јагнешкото месо за Велигденската трпеза по автентичен грчки рецепт?
Овој рецепт за јагнешко месо е меѓу омилените во Грција, а со него ќе подготвите вкусен велигденски ручек за 5 до 6 лица.
Традиционално, ова јагнешко се подготвувало во фурна на дрва и плехот се запечатувал со тесто, но може да го подготвите и во рерна, а плехот да го прекриете со алуминиумска фолија.
Исто така, ако користите млад компир, можете само добро да го измиете и да не го лупите.
Како да подготвите вкусно јагнешко месо по грчки рецепт?
Потребни состојки:
- 1,5kg јагнешки бут;
- 1,5kg млади компири (со средна големина);
- 2 чешниња лук;
- 200g домати;
- 10 шери домати;
- 1 лажица сол;
- Свежо мелен црн бибер;
- 1 лажица оригано;
- 3-4 гранчиња рузмарин;
- 2 сочни лимони (1/2 чаша сок од лимон);
- Сол;
- 100g путер;
- 180ml маслиново масло;
- 1 чаша вода.
Начин на подготовка:
- Рерната се загрева на 200 степени Целзиусови;
- Компирите се мијат и се сечат на половинки;
- Јагнешкото месо се мие, па на две места се засекува со нож и внатре се ставаат чешнињата лук;
- Јагнешкото и компирите се ставаат во подлабок плех, па се зачинуваат со сол, бибер и оригано;
- По ова се додаваат исечкани домати, путер, маслиново масло и вода, а празните места во плехот се пополнуваат со шери доматчиња и се ставаат гранчињата рузмарин;
- Плехот се покрива со алуминиумска фолија и се става да се пече околу 2,5 часа на температура од 200 степени Целзиусови;
- Плехот се вади од рерната и внимателно се отстранува алуминиумската фолија (внимавајте да не се изгорите од пареата);
- Полека се превртуваaт од другата страна месото и компирите и се враќа во рерна;
- Температурата на рерната се намалува на 180 степени Целзиусови и месото се пече уште половина час или додека да добие златно-кафеава боја.
Б. С. Б. | Црнобело
Би можело да ве интересира:
Рецепт за брзи и крцкави банички со месо, од готови кори
Секако дека нема да бидат исти како оригиналните со сукани и домашно подготвени ...
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за крцкави пица-стапчиња, за кои не треба да месите тесто
Наскоро почнува периодот на слави, па овие пица стапчиња можете да ги подготвите...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Рецепт за домашна бајадера - кралицата на малите колачи
Некои работи никогаш не излегуваат од мода и се пренесуваат од една генерација н...
Рецепт за сочен домашен ручек – печено свинско филе со компири
Сигурно се сеќавате на вкусните ручеци кај баба и мирисот од рерна додека се под...
Препорачуваме
Најчитани неделава
