3 пролетни салати со рукола што заменуваат оброк

Руколата има карактеристичен вкус и често се користи во салати, сендвичи и како гарнир за разни јадења. Може да се користи и во песто, супи и како прелив. Ова се 3 одлични идеи за салати со рукола што заменуваат оброк.

Една од придобивките на руколата е нејзината хранлива вредност. Таа е добар извор на витамини A, C и K, како и фолати и калциум.

Исто така, содржи антиоксиданси и фитохемикалии кои можат да помогнат во заштитата од одредени видови на рак.

Покрај хранливата вредност, руколата е и лесна за одгледување и може да се одгледува во текот на целата година во многу региони.

Претпочита ладни температури и добро исцедена почва и може да се бере повеќепати во текот на сезоната на растење.

Ако немате идеи како да го консумирате ова хранливо растение, во продолжение ви споделуваме 3 лесни, но многу вкусни салати.

Макарони салата со рукола

Потребни состојки:

• 2 чаши варени тестенини (по ваш избор);
• 1½ шолја варен грав;
• ¼ шолја свеж сок од лимон;
• 4 лажици балсамико оцет или по вкус;
• 2 лажици екстра маслиново масло;
• ½ шолја сечкани црни маслинки;
• 1½ шолја рукола;
• ¼ шолја кромид, исечен на коцки;
• ½ лажичка црвена пиперка (или по вкус);
• ¼ лажичка морска сол;
• црн бибер по вкус.
• по желба: свежи билки, печен или свеж лук, сируп од агаве

Начин на подготовка:

Кога ќе ги сварите тестенините и гравот, додадете ги во другите состојки кои веќе ги имате измешано заедно и уживајте во вкусовите!

Салата со рукола, лосос и сланина

Потребни состојки:

• 2 печени филети лосос;
• ¼ мала лажичка сол;
• 1½ шолја рукола;
• ¼ мала лажичка свежо мелен црн бибер; 
• шери домати количина по желба;
• потпечена нафора (на коцкички);
• 1 сечкано авокадо;
• парчиња сецкана сланина.

За дресингот:

• 1/2 мала лажичка мајонез;
• 1/2 мала лажичка грчки јогурт;
• сок од еден лимон;
• 1 чешне лук (рендан);
• 1 лажичка бел вински оцет;
• 1 лажичка мед.

Начин на подготовка:

Откако ќе го испечете лососот, исецкајте го на парчиња и додадете ги останатите состојки за салата.

На крајот, направете го дресингот со што ќе ги измешате сите наведени состојки. Добар апетит!

Салата со рукола и наут

Потребни состојки:

• 1 конзерва наут;
• 1 ½ шолја рукола;
• половина црвен кромид (исечкан ситно);
• ¼ шолја магдонос (исечкан ситно);
• неколку парчиња пармезан (или рендан).

За дресинг:

• ½ шолја девствено маслиново масло;
• сок од еден лимон;
• 1 чешне лук (рендано);
• ½ лажичка црн бибер; 
• 1 лажичка сол плус; 
• 1 лажичка сенф;
• ½ лажичка суво оригано.

Начин на подготовка: 

Подгответе го дресингот и оставете да отстои во фрижидер барем 5 до 10 минути.

Потоа измешајте ги сите состојки, пармезанот и дресингот оставете ги за декорација. Уживајте во вашата салата.

M. Г. | Црнобело