Сочни мафини со чоколада и малини – идеален десерт за со кафе
Доколку сте обожаватели на сочни мафини, тогаш овој рецепт сигурно ќе ви се допадне. Богатиот вкус на чоколада и малини ќе ве натера да побарате уште едно колаче.
Мафините со чоколада и малини се идеални за да ги подготвите за неколку дена однапред, па да можете да уживате во нивниот вкус кога сакате десерт со кафето или кога ви се јаде нешто благо.
Освен свежи, можете да користите и замрзнати малини, но ќе треба да ги одмрзнете пред да го подготвите рецептот и да ги исцедите од вода.
Потребни состојки (за 12 мафини):
- 200g бело брашно;
- 25g какао;
- 1 голема лажичка прашок за печиво;
- 115g кафеав шеќер;
- 100g чоколадни топчиња;
- 150ml млеко;
- 115g несолен путер;
- 200g малини;
- 2 јајца (изматени).
Начин на подготовка:
- Рерната се загрева на 180 степени Целзиусови;
- Во длабок сад се ставаат брашното, какаото и прашокот за печиво, па се додава шеќер и чоколадни трошки и се мешаат сите состојки, па се прави дупка на средината;
- Во друг сад со миксер се матат јајцата, па им се додава млеко и стопен путер и се матат уште кратко додека не се добие изедначена смеса;
- Течните состојки се додаваат на сувите, така што се истураат на местото каде што сте направиле дупка на средината и се мешаат со шпатула додека не се добие изедначена смеса за мафини;
- Во смесата полека се додаваат измиените малини;
- Со лажица тестото се става во калапи за мафини (до половина од секој калап) и се оставаат да се печат на температура од 180 степени околу 25 минути, или додека да се кренат со врвот на калапот;
- Готовите мафини се вадат од рерна и се оставаат да се оладат, па потоа можете да ги сервирате.
Б. С. Б. | Црнобело
Би можело да ве интересира:
Рецепт за лесен и вкусен колач со јагоди, како кај баба на гости
Рецепт за колач кој потсетува на детството, од кој цела куќа ќе ви замириса на п...
Рецепт за оригинална грчка бугаца - Крцкава, сочна и полна со фил од гриз
Не е класична блага пита, а е едно од омилените печива за појадок на Грците. Сте...
Рецепт за две вкусни крем салати – идеални за претстојните мрсни слави
Доколку славите Митровден или друг празник во периодот до божиќните пости, имаме...
Кисели пиперки со павлака - Вкусна зимница готова за 20 минути
Пиперките во павлака се едно од оние јадења кои многу семејства со задоволство г...
Мек колач со малини, вкус кој потсетува на детството кај баба
Потсетува на колачот со вишни што ви го подготвуваа бабите, но иако не е потполн...
Здрави Сникерс бомбици – се прават за 5 минути кога немате благо дома
Здрави енергетски бомбици кои се експлозија од вкусови кои потсеќаат на Сникерс ...
Препорачуваме
Најчитани неделава
