Рецепт за највкусните домашни вафли - Се прават брзо, а ги снемува уште побрзо
Идеални за брз појадок, или за ужина... Вафлите се мошне лесни за подготовка, а ќе им се допаднат на сите членови на семејството.
Сите што еднаш пробале вафли брзо се вљубиле во нив. Мошне се брзи и лесни за подготовка, а се подготвуваат со состојки што најверојатно веќе ги имате дома.
Запомнете дека за најдобри вафли потребно е состојките да бидат на собна температура. Употребата на студен путер ќе направи вафлите да бидат недопечени во внатрешноста.
Потребни состојки:
- 120g сенаменско брашно;
- 2 големи лажици шеќер;
- 1 мала лажичка прашок за печиво;
- ¼ лажичка сол;
- 230ml млеко;
- 2 поголеми јајца;
- 60g стопен путер (може да се замени со 50ml масло за јадење);
- Џем или јаворов сируп за послужување.
Начин на подготовка:
- Пуштете го апаратот за вафли да се загрева, според препораките на произведувачот;
- Во голем сад промешајте ги брашното, шеќерот, прашокот за печиво и солта и оставете ги настрана;
- Во друг сад со метална жица измешајте ги млекото и јајцата и додадете ги во садот каде што го измешавте брашното и другите суви состојки;
- Мешајте со метална жица додека состојките да се соединат;
- Полека додадете го стопениот путер или маслото за јадење и мешајте;
- Со црпалка земајте по малку од смесата (околу 100g) и ставете прво на средината на апаратот, а потоа распоредете ги вафлите кон краевите, притоа водете сметка да оставите малку простор на краевите;
- Оставете ги вафлите да се печат од 2 до 3 минути со затворен апарат, додека да станат кафеави и крцкави;
- Послужете со џем, јаворов сируп или други додатоци по ваш вкус.
Б. С. Б. | Црнобело
Би можело да ве интересира:
3 рецепти за лесни и здрави салати, идеални за летните денови
Кога не сте расположени за „тешка“ храна, а сепак сакате нешто вкусно што ќе ве ...
Ручек готов за 30 минути: Печени компири со зачин и лосос со неодолив вкус
Компирите се варат и добро се зачинуваат, лососот се сечка на коцки и се меша со...
Рецепт за оригинална грчка бугаца - Крцкава, сочна и полна со фил од гриз
Не е класична блага пита, а е едно од омилените печива за појадок на Грците. Сте...
Лазањи со спанаќ и сочно пилешко - полесна верзија на ручекот што го обожавате
Ова лесно јадење брзо ќе ве засити, но нема да сакате да престанете по само едно...
Ролат еклер - поинаков начин да го подготвите вашиот омилен десерт
За сите љубители на еклери, денес подготвивме рецепт кој е подеднакво вкусен, а ...
Рецепт за најубавата пролетна крем салата – ќе се вљубите од прво залче
Кремаста и свежа истовремено, се прави со краставици и моркови излупени на ленти...
Препорачуваме
Најчитани неделава
