• Загрејте ја рерната на 250 степени. Премачкајте ја тавата за крофни со малку масло.
• Во длабок сад изматете ги брашното, шеќерот, прашокот за печиво, циметот и солта. Тргнете ги на страна.
• Ставете ги двете лажици путер во мал сад, па садот ставете го во микробранова печка за да се стопи путерот. Тргнете го на страна да се излади.
• Во помал сад измешајте ги пченкарниот скроб и водата за да добиете ретка течна смеса. На почетокот ќе биде густа и леплива, но продолжете со мешање, а по потреба додајте многу малку вода.
• Соединете ги течните состојки - смесата со пченкарниот скроб, млекото, изладениот стопен путер и екстрактот од ванила. Стопениот путер не смее да биде жежок бидејќи ако истурите топол путер во студеното млеко, тој веднаш ќе се стврдне.
• Ставете ги влажните состојки во сувите и спојте ги двете смеси со рачна маталка (жица).
• Во подмачканата тава за крофни со лажица ставајте од тестото (наполнете ги речиси до врвот). Од оваа смеса треба да имате доволно за 2 тави.
• Печете ги крофните околу 20 минути. Со чепкалка за заби проверете дали се печени (односно дали се лепи тесто на чепкалката).
• Оставете ги крофните да се изладат во тавата барем 5 минути пред да ги извадите. Ако пробате да ги извадите прерано, тие ќе се залепат и ќе се распаднат.
• Додека се ладат крофните, подгответе го преливот.
• Ставете ги 12-те лажици путер во сад и стопете го путерот во микробранова печка.
• Во друг сад спојте 1 чаша шеќер со 1 лажичка мелен цимет. Измешајте за да се соединат.
• Земете една крофна и ставете ја во растопениот путер, колку да поприми од сите страни и веднаш извадете ја. Ставете ја во садот со цимет и шеќер и убаво извалкајте ја од сите страни.
• Откако шеќерот ќе се залепи убаво за крофната, можете уште еднаш да ги извалкате во смесата со цимет и шеќер.

А. Ј. | Црнобело