Сочен колач со капини, мед и бело чоколадо, совршен за сите сезони

Сладок, мек како душа и едноставен за подготовка – овој колач со капини и мед е совршен десерт за секое време од годината.

Капини споени со мед и бело чоколадо се одлична комбинација.

Токму затоа сигурно ќе ви се допадне рецептот за овој сочен колач, кој можете да го правите во секоја сезона.

Потребни состојки:

За џемот:

6 шолји свежи или замрзнати капини
½ шолја мед
1 лажица сок од лимон
(по вкус 1-2 лажици сушена лаванда)

За тестото:

1 шолја стопено кокосово масло
½ шолја кисела павлака
3 големи јајца
1, 5 шолјa шеќер
1 лажица екстракт од ванила
1 шолја млеко
3 шолји брашно
½ лажичка сода бикарбона
1, 5 лажички прашок за печиво
1 лажичка сол

Прелив од бело чоколадо:

16 лажици солен путер (омекнат на собна температура)
1,5 шолјa шеќер во прав
170g бело чоколадо (стопено и изладено)
1 лажичка екстракт од ванила

Начин на подготовка:

Во длабок сад ставете ги сите состојки за џемот – капините, медот и сокот од лимон, па оставете ја смесата да зоврие и да се згусне, во вид на желе;
Ако сакате да експериментирате со вкусот, додадете и 1-2 лажички сушена лаванда;
Рерната се загрева на 180 степени Целзиусови;
Во друг сад спојте ги кокосовото масло со павлаката, јајцата, шеќерот и ванилата;
Матете за да добиете хомогена смеса, а потоа додадете ги брашното, содата, прашокот за печиво и малку сол. Додадете малку млеко и сè измешајте;
Ставете ја смесата во тава за печење, па со лажица одозгора ставајте по малку од џемот од капини (како во видеото);
Колачот се пече на температура од 180 степени од 30, до 35 минути, или додека да се формира кора на површината;
Во посебен сад стопете ги путерот, белото чоколадо и ванилата за да добиете мазна смеса;
Откако ќе го испечете колачот, оставете го да се излади, па врз него ставете го преливот од бело чоколадо;
По желба можете да го декорирате со капини и да го послужите.

Видео постапка: