Летен колач со кокос и овошје, подготвен во стилот на нашите баби

Колачот со кокос и овошје е во стилот на раванијата или колачот со вишни што го правеа нашите баби - не може, а да не ви се допадне.

Летните колачи се вистински деликатес - во нивниот вкус има нешто, што мами и, како да ве поттикнува секогаш да барате парче плус.

Исклучок не е ни овој кремаст, мек колач, кој ќе ве освои уште со првиот залак.

Потребни состојки:

За текстото:

3 јајца
300ml кондензирано млеко
200g брашно
50gг кокосово брашно
15g прашок за пециво

За филот:

200ml млеко
1 јајце
80g шеќер
18g скроб (густина) или брашно
1 лажичка екстракт од ванила
250g маскарпоне сирење
50g слатка павлака

За овошниот слој:

100g овошје (рибизли, боровинки, малиник, капини - по желба)
50g шеќер во прав

Начин на подготовка:

Ставете ги сите состојки за тестото во сад и мешајте со жица додека сè не се соедини.
Смесата истурете во плех обложен со хартија за печење и печете во претходно загреана рерна на 180 степени околу 15 минути, па оставете тестото да се олади.
Во тенџере ставете ги јајцето, шеќерот и ванилата, па додадете го млекото, скробот и добро измешајте.
Ставете да се вари на средна температура и мешајте додека не се згусне.
Покријте го филот со фолија и оставете да се олади.
Изматете ја слатката павлака и спојте ја со изладениот крем за добро да се соедини.
На крајот, додадете го и маскарпонето и спојте ја целата смеса во еден убав, густ фил.
Подгответе го и филот со овошје (свежо или замрзнато) - сварете го со малку вода и шеќер во прав за да се згусне и да добиете компактна маса.
Пресечете го тестото на половина. Навлажнете го едниот дел со млеко (по желба) за да биде помеко, па нанесете слој овошје, па прекријте со белиот крем.
Ставете го вториот дел од кората и повторете ја постапката.
Најгоре наросете со кокос.
Оставете го колачот во фрижидер најмалку 3-4 часа, или, идеално, преку ноќ.