Пита со тиква и суво грозје од готови кори – Есенски десерт за целото семејство
Подгответе идеален есенски десерт со состојки што се карактеристични за нашето поднебје. Никој нема да остане рамнодушен на оваа вкусна пита, која се подготвува мошне лесно.
Тиква, ореви и суво грозје... Звучи како одлична комбинација, нели?
Сигурно оваа лесна пита ќе ве освои, затоа што нема потреба да бидете многу вешти за да ја подготвите, а се прави брзо, од готови кори.
Потребни состојки:
За кора:
- 6 кори за пита;
- 120ml масло;
За фил:
- 1,5kg тиква (изрендана со ренде);
- 60ml масло;
- 300g суво грозје;
- 300g исечкани ореви;
- 100g потпечен сусам;
- 2 големи лажици лебни трошки или гриз;
- 4 лажици шеќер;
- 2 големи лажици цимет;
- 2 прстофати рендано индиско оревче;
- малку каранфилче
Начин на подготовка:
- Во длабока тава се става маслиновото масло за филот и се става изренданата тиква да се пропржи; Тиквата се пржи 10-тина минути со постојано мешање, додека да омекне, па потоа се остава да се олади малку;
- Во тиквата се додаваат шеќерот, сувото грозје, индиското оревче, сусамот, лебните трошки, циметот оревите и каранфилчињата и сите состојки се мешаат;
- Рерната се загрева на 180 степени Целзиусови;
- Се зема плех за печење и се попрскува со малку масло за јадење;
- Се зема една кора и се попрскува со малку масло. Врз неа стуткани се распоредуваат уште 3 готови кори, а меѓу секоја се попрскува малку масло за јадење;
- Се распоредува готовиот фил од тиква врз корите;
- Питата се прекрива со преостанатите две кори, така што секоја од нив се премачкува со масло. Питата се засекува со нож на парчиња и се попрскува со преостанатото масло и со малку вода;
- Се става да се пече во загреана рерна на температура од 180 степени Целзиусови, околу 50 минути или додека да добие златно кафеава боја;
- Откако ќе се олади може да ја декорирате со цимет или со шеќер во прав.
Б. С. Б. | Црнобело
Би можело да ве интересира:
Рецепт за посни колачи во форма на праски – омилениот десерт од детството
Идеални за посниот период - можете да подготвите поголемо количество, а никој не...
Рецепт за вртена пита со паричка за Василица од готови кори
Рецепт што ќе им се допадне на младите, но и на искусните домаќинки. Како да под...
3 супи за рамен стомак (се подготвуваат за 30 минути)
Ако планирате да бидете на диета и да загубите некој килограм, супите се одлични...
Редена еклер торта што не се пече, со фил од јаболка и ванила
Омиленото есенско овошје се јаболката, а од оваа лесна торта сите ќе бараат парч...
Викенд ручек: Мусака ролат со мелено месо и растопен кашкавал
Како да подготвите вкусен ручек со којшто ќе ги изненадите домашните? Пробајте г...
Рецепт за војнички грав – Во што е тајната на популарното јадење од поранешна Југославија?
Наместо сувомеснат производ ќе треба да користите говедско месо исечкано на коцк...
Препорачуваме
Најчитани неделава
